Зошто таа стенка кога водите љубов

Дали звуците кои жената ги испушта за време на сексот се неприсилени или рефлексни, или пак се резултат на оргазам? Ова е прашањето кое неколку научници сакале да го одговорат. Тие сакале да ја истражат врската помеѓу сексуалните вокализации и оргазмот. Примарното прашање било дали таквите вокализации се ненамерен рефлекс на оргазмот (или поврзани со оргазмот) или пак се независен акт на патот кон постигнувањето на врвот.

Регрутирале 71 сексуално активни хетеросексуални жени на просечна возраст од 22 години и спровеле анкета прашувајќи ги субјектите за нивните звуци за време на секс.

Конзистентно на претходно истражување во истата област, жените најчесто одговарале дека постигнувале оргазам со мастурбација или самостимулација, па потоа со манипулација од страна на партнер. Оралниот секс е третиот по ред кој може да доведе до постигнување на врвот, по што следи најреткиот начин на кој жените постигнуваат оргазам – со пенетрација од страна на маж. Исто така жените во истражувањето откриле дека најчесто доживуваат оргазам за време на предиграта.

Што се однесува до звуците (вокализациите), изненадувачки, тие не се поврзани со женскиот оргазам. Истражувачите откриле дека женските вокализации се случуваат за време на машкиот оргазам, најчесто пред или за време на ејакулацијата.

Истражувачите тоа го објаснуваат вака:

„Податоците јасно демонстрираат неповрзаност помеѓу тајмингот кога жените доживуваат оргазам и произведувањето копулаторни вокализации и покажуваат дека постои барем еден елемент од овие реакции кои се под свесна контрола, што им овозможува на жените да го манипулираат однесувањето на мажите во нивна корист.“

Заклучокот според ова истражување е дека жените изгледа вокализираат за време на сексот, не за да го изразат своето задоволство, туку за да им помогнат на мажите да го доживеат врвот.

Ова е во согласност со идејата дека сите ние си имаме сопствени идеализирани сценарија во главата за тоа како треба да изгледа еден однос и што нашиот партнер би сакал.

Уште едно истражување вели:

„И машките и женските перцепции за идеалното времетраење на предиграта и сексуалниот однос за нивниот партнер е многу повеќе поврзано со нивните лични стереотипи, а не со изјавените желби од страна на нивниот партнер, што сугерира дека луѓето се потпираат на сексуални стереотипи кога ‘ги пресметуваат’ идеалните сексуални сценарија на нивниот партнер.“

Можеби и вокализациите се дел од идеализирано сексуално сценарио или пак се реакција на она што жените веруваат дека нивниот маж партнер го сака.

Се надеваме дека не уништивме нечии замисли дека жените испуштаат звуци бидејќи едноставно уживаат во сексот. Сепак е малку покомплицирано од тоа.

Закрепнувањето по „скршено срце“ трае три месеци

Раскинувањата oбично завршуваат со подолготрајна тага.

Научен труд објавен во британскиот „Журнал“ за позитивна психологија открива колку време во просек им треба на луѓето да закрепнат по болен прекин на љубовна врска.

Кога „срцето е скршено“, преовладува чувството на безвредност, што поттикнува повредената или повредениот „да се држи“ дури и поцврсто за она што веќе не е достапно. Во такви случаи се јавуваат збунетост, лутина, тага, фрустрација. Уште повеќе, ако е присутна ниска самодоверба којашто нѐ тера постојано да се обвинуваме и омаловажуваме себеси, преболувањето на раскинувањето тогаш е потешко, па тоа „заздравување“ оди побавно.

Тоа ќе рече – проценувањето колку долго ќе трае таа лоша состојба по раскинувањето зависи, до одреден степен, од самодовербата.

Според наводите, на 71 отсто од 155 млади возрасни лица им биле потребни околу 11 седмици за промена кон подобро. До крајот на тие три месеци, испитаниците можеле да ги видат добрите страни на нивното раскинување. Тие, имено, почувствувале „созреаност“ и подготвеност да се насочат кон целта – позитивни промени по раскинувањето.

Разумно е да се очекува дека зацврстувањето на ниската самоувереност по раскинувањето може да трае барем неколку недели. А пак, факторите коишто влијаат на таа временска рамка зависат од самиот човек и од врската која штотуку завршила.

Три реченици кои звучат како љубов, а всушност зад нив се крие манипулација

Понекогаш е тешко да се разликува грижата и љубовта од манипулацијата. Ова се фрази кои се користат за да се залажат партнерите.

Има луѓе кои имаат потреба да манипулираат со луѓето со кои се во врска или брак, поради некои психолошки проблеми што ги имаат.

Овие три реченици манипулаторите често ги користат како параван, бидејќи наликуваат на љубов.

„Ова го правам за твое добро“

Манипулаторот сака да изгледа како да се грижи за вас, а всушност сака да ве контролира за да ја постигне својата цел. Реченицата „Го правам ова за твое добро“ звучи како израз на грижа и љубов, но тоа е начин манипулаторот да ве принуди да го прифатите она што го прави велејќи дека е за ваша корист.

„Дали вака ми враќаш?

Кога манипулаторот ќе ви каже: „После се што направив за тебе, ти ми враќаш вака?“, тоа покажува дека сака да се чувствувате виновни. Не се залажувајте да мислите дека тој се грижи за вас. Тој само сака да ве натера да се согласите со она што тој го сака.

„Очекував повеќе од тебе“

Оваа реченица прави личноста кон која е насочена да се чувствува помалку вредна од манипулаторот. Тие се потпираат на моќта за да ги постигнат своите цели. И повторно сака да се чувствувате виновни што не го постигнавте она што требаше, според мислењето на манипулаторот.

Што се случува во телото на мажот кој подолго време нема секс?

Има многу причини зошто треба редовно да имаме секс, но покрај задоволството, важни се и причините поврзани со здравјето.

Мажите кои редовно имаат секс се позадоволни од животот и посреќни, тоа го имаат потврдено повеќе истражувања, но дали некогаш сте се прашале што се случува со вашето тело кога ќе престанете да имате секс редовно?

Ова се најчестите последици:

Еректилна дисфункција

Мажите кои подолго време немале секс, а имаат над 50 години, најверојатно ќе се соочат со проблемот еректилна дисфункција. За да останете во сексуална форма, мора да ја одржувате.

Зголемен ризик од рак на простата

Ако не мастурбирате редовно и исто така немате секс, ги зголемувате шансите за заболување од рак на простата. Истражувањата покажале дека честото ејакулирање (4 до 7 пати неделно) го намалува ризикот од рак на простата.

Висок крвен притисок

Истражувањата покажале дека луѓето кои имаат редовен секс имаат понизок крвен притисок од оние кои имаат долги паузи меѓу сексуалните активности.

Стрес

Една жешка ноќ во кревет може да ви го подобри расположението и барем на кратко да ве ослободи од грижите и стресот. Ендорфинот што се ослободува за време на сексот го подобрува расположението, а и бројни науни истражувања покажале дека сексот има поволно дејство врз луѓето кои се под стрес.

Слаб имунитет

Доживувањето оргазми е од голема корист за вашиот имунолошки систем. Медицински истражувања покажале дека мажите кои немаат секс редовно имаат послаб имунитет и се поподложни на болести.

Популарно