Центарфорот кој го сруши Ливерпул: Од селски фудбалер и антиталент до ѕвезда во ЛШ!

Милан Павков го живее својот сон откако синоќа со два гола го урна големиот Ливерпул, петкратниот европски првак и актуелен европски вицешампион, туркајќи ги во екстаза навивачите на белградска Црвена Звезда за историската прва победа на српската гордост во Лигата на шампионите.

Утрово низ Србија меѓу навивачите на црвено-белите, Павков е топ-тема, а тешко некој дека можеше да предвиди и претпостави дека „селскиот фудбалер“ и анти-талентот ќе успее да го урне големиот Ливерпул во најелитното европско натпреварување. Приказната за Павков е како холивудска приказна, зошто и најголемите оптимисти се сомневаа во неговиот квалитет, но... Од синоќа овој фудбалер го слават, па дури крстија и слава „Павковден“.

Младиот и висок напаѓач кариерата ја почнал во Нови Сад, но клубот се откажал од него зошто бил – антиталент. Роден е во Бегеч.

„Павков ја мина комплетната школа во Нови Сад, како младинец играше како последен играч за врска и тој не сакаше да си замине од клубот, ама клубот се откажа од него. Проценија дека нема перспектива. Го дадоа на заем во Бачка Петровец (аматерски клуб во Војводина – н.з.), а таму почна да дава голови и да игра напаѓач“, вели Драган Ивановиќ, кој работел со Павков и му бил како „втор татко“.

Првиот трансфер Павков го направил на бензинска пумпа и тоа помеѓу родниот Бегеч и Нови Сад.

„Среќа моја е што Бегеч и Челарево се близу. Се сеќавам на таа пумпа, кога дојде во друштво на неговиот татко. Се согласи да потпише за Челарево и веќе на првиот меч даде два гола. Ѝ ги даде на Бачка Паланка, баш такви како со Ливерпул. Павков не научи да игра фудбал и да дава голови кај Гаге, туку тоа го носеше со себе. Беше роден шпиц. Но, тој нагло порасна и мораше да работи на физичката подготовка. Беше слаб, а левата нога ич не ја користеше и со помош на еден ѕид работев со него за да ја усовршува. Првата сезона на ЧСК ја одигра пеколно – даде 20 гола. Потоа го препорачаа на Војводина, ама таму не му одеше. Некако рано му беше и потоа замина во Раднички“, додава Ивановиќ.

Момчето родено во 1994 година играше во Раднички, кога во најголемата криза со долг од 40 милиони евра, Црвена Звезда дојде да го купи и тоа за 300.000 евра. Беше тоа трансфер за кој сите се чудеа. Ем Звезда пред банкрот, ем толку пари за некој кој е тотален анонимус, како човек кој изгледа како работиник во стовариште. Уште повеќе, Павков за Раднички постигна само пет гола.

Доаѓањето во Звезда му беше остварување на сон, ама и огромен товар на градите. Во првите три месеци одигра вкупно само шест минути, па почнаа сеирите на сметка на белградскиот гигант и на сметка на Павков.

„Го имаме најскапиот звездаш во историјата, Смешен играч, кој по минута нè чини 50 илјади евра“, беа само дел од реакциите.

Сите се смееа и на изјавите на тогашниот директор Звездан Терзиќ за Павков.

„Ако не го земевме сега ќе вредеше два милиони евра. Не сакавме да го изгубиме. Дечкото има неверојатни физички предизпозиции, треба да се бруси зошто Звезда не е лесна. Ако сега го изгубиме, кој ќе биде нова 'деветка'. Ме прашуваа дали со Павков можеме до титула? Кога барам играч се прашувам дали тој е инвестицијата или јамка за титула. Мора да го имаш и едното и другото. Мора да се балансира“, велеше Терзиќ, а сите му се смееа.

Павков заврши на заем во Раднички да се доразвие и минатата сезона даде 23 гола, што ги убеди сите на „Маракана“ дека е зрел да добие втора шанса. И беше „вечно“ во сенка на скапите засилувања, иако неговото влегување во Салзбург дополнително ја размрда црвено-црната армија за од 0-2 да стигне до 2-2 и на крај да се радува на пласманот во ЛШ. Во квалификациите и по трнливиот пат за пласман во елитата беше само еднаш стартер, не даде ниту еден гол, а во првенството во кое Ц. Звезда има 14 победи од 15 меча погоди петпати против најслабите екипи.

„Кога тој ќе влезе во игра, секогаш нешто се менува. Способен е да го промени цел тек на мечот“, вели Митар Мркела, спортскиот директор на Звезда.

И откако почна елитното друштво и дебито на белградскиот великан, Павков во три меча собра само 50 минути. Се до синоќа кога блесна. Даде два гола и тоа на вториот најскап светски голман. Му даде еден со глава, па еден од преку 20 метри. А вреди само 1,25 милиони евра. Веројатно таа цена сега ќе скокне барем петпати повеќе. Павков урна екипа, која вреди 522 милиони евра или 417,6 пати повеќе од неговата вредност.

Сега Павков го живее сонот, како суперѕвезда во Лигата на шампионите, нешто за кое веројатно не ни сонувал дека така брзо ќе го оствари.

Почина освојувачот на првиот ракометен Куп на Македонија!

На 22.03.2024, во 85-тата година од животот почина една од легендите на македонскиот ракомет, кој како играч, тренер и спортски работник ја пренесе љубовта кон спортот и вистинските вредности на многу генерации. 

Дејан Мариќ е роден на 28.06.1939 во Соколац, Босна и Херцеговина (Југославија).

Својата играчка кариера ја започнува во Раднички Горажде, продолжува во Куманово и Работнички од Скопје со кој неколку сезони играл во најдобрата прва Југословенска лига.

Се образува на Вишата Фискултурна школа во Скопје каде е дел од првата генерација, а високото образование го завршува на Факултетот за Физичка Култура во Сараево. 

Тренерската кариера Дејан Мариќ ја започнува 1959 во Куманово, каде е и еден од основачите на клубот, а ги тренирал и  Работнички, Борац Урошевац, Божур Гњилање, Кале Скопје, Мајданпек Србија, Крива Паланка, Шевро Куманово...

Професор во Градежно-Машински Училишен Центар (ГМЦУ) во Скопје, како и во Средното музичко училиште Илија Николовски-Луј, каде што и се пензионира.

Бил тренер на многу прволигашки играчи во Југославија и Македонија, како и репрезентативци на двете држави кои оставиле траг на ракометот на овие простори меѓу кои:  Љубимир Савевски, Касим Каменица, Гино Стрезовски, Драган Маринковиќ, Ацо Станковски, Панче Брдаров, Савчиќ, Меѓедовиќ, Томовиќ, Вучковиќ, Речица...

Во 1993 година како тренер на Шевро Куманово го освојува првиот ракометен куп на независна Република Македонија.. Во финалето Куманово го совладува тимот на Металург од Скопје.

Последните години од својот живот ги поминува во Куманово, каде е и погребан на градските гробишта. 

Слава му

Собери екипа и испробај се против најдобрите баскетџии во Македонија!

Додека во светот од година во година 3x3 баскетот добива се поголема популарност, во Македонија овој спорт е сеуште во зачеток. Здружението Звукот на мрежата или Sound of the net, се основа во 2023 година токму поради потребата да се рашири овој спорт во државава и да осетат македонските баскетџии што е прав машки баскет.

ФИБА правилата се разликуваат од обичниот маалски баскет, нападот трае 12 секунди, на секој даден кош се менува посед и мора да се извади топката надвор од тројка, дозволена е погруба игра во одбрана од кошарката. Натпреварот трае 10 минути, а завршува кога една екипа ќе стигне до 21 или ќе истече времето.

Следниот турнир е оваа Сабота (24.02.2021), додека наредните турнири ќе бидат на 03.03.204 во Битола, по што ќе следат два во Скопје и финалниот турнир на одлична локација во текот на Мај! Пријавувањето на турнирите можете дирекно да го направите дирекно на сајтот на 3x3 ФИБА или на еден од профилите на социјалните мрежи facebook: https://www.facebook.com/thesoundofthenet

Или инстаграм https://www.instagram.com/thesoundofthenet/

Пријавување на ФИБА: https://play.fiba3x3.com/events/8bb4ef56-cd4d-471e-a903-42398c2c473d?fbclid=IwAR2dPikv0HSMi182WniDHTJq3GNpwpQ4s4idmOwIzX1_WqtPDCOW9-QXC-E

На овие турнири нема лимит кој може да се пријави. Пријавете ја вашата екипа или дојдете на турнирите да го бодрите вашиот тим и да уживате во одичен баскет.

До сега Звукот на мрежата учествуваше во организаијата на 10 турнири кои се играат по официјалните правила на ФИБА. Баскетот 3х3 од неодамна е олимписки спорт, има официјални ФИБА судии, а секој од настаните се со пренос во живо на YouTube и одлична музика.

Оваа година со помош на Општина Ѓорче Петров оваа организација организира зимска лига турнири, со околу 6 квалификациони турнири од кои секој со награден фонт од околу 250 евра, и еден главен со награден фонд од 800 евра.

До сега се одржаа два турнири, на кој настапија екипи од цела Македонија, како и гости од Србија. На првиот турнир одржан на 11 Јануари, победи екипата на Brotherhood од Скопје, втора заврши екипата на La Taqueria од Србија, додека вториот го освои екипата на 3x3 Битола а втора заврши екипата на SolutionX3.

“Ние како организација имаме голема љубов и страст кон овој спорт, и после неколку години играјќи во странство на вакви турнири, решивме да пробаме да ја промениме состојбата кај нас и да го одржаваме и промовираме овој прекрасен спорт” - изјави претседателот Борисовски.

Ибрахимовиќ го договрил Конте да седне на клупата кај Милан

Поранешниот шведски фудбалски интернационалец со богата трофејна играчка кариера Златан Ибрахимовиќ според медиумите во Италија завршил работа со тренерот Антонио Конте на крајот од сезоната да ја преземе екипата на Милан.

Рокадата на тренерското столче кај „росонерите“ се актуелизира по разочарувачките резултати на тимот под палката на тренерот Стефано Пиоли. Конте кој претходно ги има предводено лутите ривали на Милан во Серија А, тимовите на Интер и Јувентус, според „Ибра-гол“ би требало да биде стратегот кој ќе ги врати „росонерите“ на врвот во Серија А.

Покрај трофејните италијански калчолигаши Конте ги предводеше и англиските премиерлигаши Челзи и Тотенхем. Милан сезонава ја губи трката за скудетото токму со Интер и Јувентус.

Популарно