4 штетни лаги што си ги кажуваат жените кога се заглавени во токсична врска

Љубов и секс

на 12.2018

Луѓето сакаат да кажуваат дека љубовта е слепа, а ова е особено вистина кога станува збор за жена во токсична врска со маж кој има нарцисоидни одлики. Многу жртви на малтретирање живеат во постојана заблуда и можат да се фокусираат само на времињата кога партнерот се покажувал како грижлив и добар.

За жал, лагите што си ги кажуваат овие жени се опасна форма на самопотврдување. Овие лаги се со цел да си ја задржат илузијата дека се безбедни и дека врската е во ред. Погледнете кои се најчестите.

1. „Ако му покажам колку го сакам, ќе се промени“

Длабоко во себе верувате дека сите проблеми можат да се решат со вашата безусловна љубов. Ако се држите за идеалот дека ќе ја спасите врската и ќе му помогнете на партнерот со моќта на љубовта, размислете повторно. Она што навистина го правите е давање постојано внимание кое ја храни токсичноста на партнерот.

Тој ве држи зафатени со неговите игри и трикови. Го консумира вашиот ум. Ви влегува под кожа и му штети на вашето физичко и ментално здравје. Вашата љубов само го поддржува ова.

2. „Минува низ тежок период. Наскоро нештата ќе станат подобри“

Луѓето кои минуваат низ тежок период можно е да доживеат кратки промени во однесувањето. Но кога ова однесување трае, знаете дека тогаш станува збор за малтретирање.

3. „Тој не е оваа личност. Никогаш не бил ваков“

Она што навистина се случува е тоа што не можете да се ослободите од сликата за личноста којашто сте мислеле дека е вашиот партнер. Всушност, тој отсекогаш бил ваков. Одговорите на овие прашања ќе ве убедат во тоа:

Дали е заинтересиран за вашите чувства?

Дали одговара со грижа кога ќе му кажете колку сте повредени по расправија?

Дали го цени вашето мислење кога кажувате што ви пречи во врската?

Или, ги игнорира вашите чувства и ви кажува дека само си замислувате работи?

4. „Не можам да се откажам од него“

Постои разлика помеѓу тоа да се откажете и тоа конечно да ви е доволно. Важно е да знаете кога веќе ви е премногу за да можете да поставите граници. Ова може да биде проблематично ако сте личност која тешко си заминува. Верувате дека нема никаква причина да се откажете, бидејќи ако сте го направите тоа сте се поразиле самите. Овој начин на размислување дополнително ве заглавува.

Не дозволувајте ова да ве убие. Не можете да ја спасите врската. Доколку партнерот навистина има проблем со неговото однесување и ве малтретира, вашите љубов, посветеност и сочувство не можат да го променат или да му помогнат.

Закрепнувањето по „скршено срце“ трае три месеци

Љубов и секс

пред еден месец

Раскинувањата oбично завршуваат со подолготрајна тага.

Научен труд објавен во британскиот „Журнал“ за позитивна психологија открива колку време во просек им треба на луѓето да закрепнат по болен прекин на љубовна врска.

Кога „срцето е скршено“, преовладува чувството на безвредност, што поттикнува повредената или повредениот „да се држи“ дури и поцврсто за она што веќе не е достапно. Во такви случаи се јавуваат збунетост, лутина, тага, фрустрација. Уште повеќе, ако е присутна ниска самодоверба којашто нѐ тера постојано да се обвинуваме и омаловажуваме себеси, преболувањето на раскинувањето тогаш е потешко, па тоа „заздравување“ оди побавно.

Тоа ќе рече – проценувањето колку долго ќе трае таа лоша состојба по раскинувањето зависи, до одреден степен, од самодовербата.

Според наводите, на 71 отсто од 155 млади возрасни лица им биле потребни околу 11 седмици за промена кон подобро. До крајот на тие три месеци, испитаниците можеле да ги видат добрите страни на нивното раскинување. Тие, имено, почувствувале „созреаност“ и подготвеност да се насочат кон целта – позитивни промени по раскинувањето.

Разумно е да се очекува дека зацврстувањето на ниската самоувереност по раскинувањето може да трае барем неколку недели. А пак, факторите коишто влијаат на таа временска рамка зависат од самиот човек и од врската која штотуку завршила.

Три реченици кои звучат како љубов, а всушност зад нив се крие манипулација

Љубов и секс

пред еден месец

Понекогаш е тешко да се разликува грижата и љубовта од манипулацијата. Ова се фрази кои се користат за да се залажат партнерите.

Има луѓе кои имаат потреба да манипулираат со луѓето со кои се во врска или брак, поради некои психолошки проблеми што ги имаат.

Овие три реченици манипулаторите често ги користат како параван, бидејќи наликуваат на љубов.

„Ова го правам за твое добро“

Манипулаторот сака да изгледа како да се грижи за вас, а всушност сака да ве контролира за да ја постигне својата цел. Реченицата „Го правам ова за твое добро“ звучи како израз на грижа и љубов, но тоа е начин манипулаторот да ве принуди да го прифатите она што го прави велејќи дека е за ваша корист.

„Дали вака ми враќаш?

Кога манипулаторот ќе ви каже: „После се што направив за тебе, ти ми враќаш вака?“, тоа покажува дека сака да се чувствувате виновни. Не се залажувајте да мислите дека тој се грижи за вас. Тој само сака да ве натера да се согласите со она што тој го сака.

„Очекував повеќе од тебе“

Оваа реченица прави личноста кон која е насочена да се чувствува помалку вредна од манипулаторот. Тие се потпираат на моќта за да ги постигнат своите цели. И повторно сака да се чувствувате виновни што не го постигнавте она што требаше, според мислењето на манипулаторот.

Што се случува во телото на мажот кој подолго време нема секс?

Љубов и секс

пред еден месец

Има многу причини зошто треба редовно да имаме секс, но покрај задоволството, важни се и причините поврзани со здравјето.

Мажите кои редовно имаат секс се позадоволни од животот и посреќни, тоа го имаат потврдено повеќе истражувања, но дали некогаш сте се прашале што се случува со вашето тело кога ќе престанете да имате секс редовно?

Ова се најчестите последици:

Еректилна дисфункција

Мажите кои подолго време немале секс, а имаат над 50 години, најверојатно ќе се соочат со проблемот еректилна дисфункција. За да останете во сексуална форма, мора да ја одржувате.

Зголемен ризик од рак на простата

Ако не мастурбирате редовно и исто така немате секс, ги зголемувате шансите за заболување од рак на простата. Истражувањата покажале дека честото ејакулирање (4 до 7 пати неделно) го намалува ризикот од рак на простата.

Висок крвен притисок

Истражувањата покажале дека луѓето кои имаат редовен секс имаат понизок крвен притисок од оние кои имаат долги паузи меѓу сексуалните активности.

Стрес

Една жешка ноќ во кревет може да ви го подобри расположението и барем на кратко да ве ослободи од грижите и стресот. Ендорфинот што се ослободува за време на сексот го подобрува расположението, а и бројни науни истражувања покажале дека сексот има поволно дејство врз луѓето кои се под стрес.

Слаб имунитет

Доживувањето оргазми е од голема корист за вашиот имунолошки систем. Медицински истражувања покажале дека мажите кои немаат секс редовно имаат послаб имунитет и се поподложни на болести.