Дали Македонците во Австралија и Америка можеа да гласаат за Тамара?

Резултатите од телефонското гласање на финалната вечер на Евровизија отворија вистинска „војна“ на социјалните мрежи околу тоа дали успехот на Тамара Тодевска ќе беше комплетен доколку нашите од дијаспората гласале – во поголем број – за нашиот претставник.

Од листингот кој излезе по гласањето се виде дека освен во Србија и Словенија, Македонците во останатите Европски држави биле малку заинтересирани да го поддржат нашиот претставник.

Истовремено по социјалните мрежи се развија дијалози и дилеми зошто нема ниту еден глас од нашинците во Австралија, Америка, Канада.

Многу едноставно. Ова е Евросонг и граѓаните на овие држави немаа право на глас.

Иако Австралија учествуваше како гостин, сепак, немаше стручно жири кое се јави од оваа држава за да даде гласови за останатите земји. Слично е и со телефонско гласање, кое таму го немаше.

Австралија на Евровизија настапува како гостин, па дури и да победеше, следниот Евросонг немаше да се одржува во оваа прекуокеанска земја, туку во некоја од Европските.

Лина Пејовска влезе во финалето на најпопуларното хрватско музичко шоу

Македонската пејачка Лина Пејовска влезе во финалето на хрватското музичко шоу „Ѕвезди – летен хит“. Таа го воодушеви жирито со песната на Тончи Хуљиќ, Tower of Babylon, која на фестивалот „Дора“ ја пееше Лорна Буќан. Потоа испеа и дует со Петар Грашо.

„Совршена си, не можам да поверувам дека имаш само 16 години. Поседуваш се што треба да има една ѕвезда“, и рече Андреа Андерсај, една од членовите на жирито.

Лина уште од почетокот е една од милениците на публиката, но и на жирито во кое се членови Тончи Хуљиќ, Петар Грашо, Бранко Ѓуриќ, Нина Бадриќ и Андреа Андерсај. Таа во првиот круг ја пееше евровизиската песна My Number One од Хелена Папаризу

„За учество во музичкото шоу се пријавија преку 2000 кандидати, а влегоа само 60, меѓу кои и јас. Во првиот круг поминав одлично, добив преубави коментари од жирито и затоа сум презадоволна од мојот настап“, рече неодамна Лина за „Репортер“.

Јавноста во регионот ја запозна Лина по учеството во шоуто „Пинкови ѕвездички“. Од неодамна таа снима преработки на светски и балкански хитови, а нејзините видеа имаат преку 2 милиона прегледи на „ЈуТјуб“.

Финалето на најпопуларното музичко шоу во Хрватска ќе се одржи следната сабота (22 јуни).

ВИДЕО: Што мисли Ѓорѓе Давид за македонскиот претставник во „Ѕвездите на Гранд

До крајот на сезоната на „Ѕвездите на Гранд“ полека се доближивме, а финалето е закажано за 20 јуни.

Во финалната емисија ќе се борат 16 кандидати, а меѓу нив и четири претставници од Македонија кои ќе се борат да го освојат првото место.

Ова година посебен белег остави Филип Пецовски од Скопје, кој кога и да се појави на сцената прави вистински хаос.

Уште на почетокот на шоуто, публиката и жирито паднаа во транс со негово претставување и многумина го сметаат за вистински шоумени и му предвидуваат блескава иднина.

Филип заедно работи со Јелена Карлеуша и Ивана Петерс, а деновиве се подготвува за големото финале.

Ѓорѓе Давид кој оваа година е дел од музичкото шоу и ментор на неколку кандидати, го прокоментира токму Филип.

„Тој вид на оригиналност, не може никој да ја носи на Балканот, без оглед на тоа дали снимил порно филим или не. Пецовски е момче кое е многу талентирано и физички подогтвен. Меѓутоа, мора треба да поработи на дишењето, бидејќи најтешко е да се биде активен и да се пее“ вели Ѓорѓе.

ВИДЕО: Водителот Ивановиќ со оваа изјава ги навреди Македонците

Водителот на српското шоу „Вечер со Иван Ивановиќ“ во последната емисија упати тешка навреда за Македонија и за македонскиот народ.

За Ивановиќ, очигледно, во Македонија живеат само Албанци.

Јасно е дека со ова водителот сака да го изрази револтот што од Македонија не беше доделен ниту еден поен на Евровизија за Србија.

Но, морал да најде поинаков начин да го покаже тоа.

Популарно