ВНИМАВАЈТЕ: Отровна риба почна да излегува на бреговите на овие острови во Грција

Озогласената „риба пајак“ годинава првпат е забележана во грчкото туристичко место Неи Пори. Како што пренесува српски „Телеграф“, повикувајќи се на туристите кои оваа година престојуваат таму, Србинка добила била ранета од рибата на палецот од ногата.

Таа веднаш побарала лекарска помош, а докторот ѝ кажал дека имала среќа што се јавила во првите 15 минути по убодот од отровната риба. Инјекцијата ја примила во палецот, на местото на убодот, а потоа примила антибиотик.

Луѓето кои коментирале за тој случај најчесно пренесувале и некои нивни искуства со отровниците, а на повеќето тоа им се случило во Паралија. За жал некои од нив подоцна имале компликации на местото каде што ги каснала рибата, а некој човек морал да оди на хирургија и да го отстрани делот од кожата каде што бил отровот од рибата.

Ја имав таа несреќа да стапнам на отровна риба во Грција. Стапнав на неа во моментот кога трчав по песокот во водата. Одеднаш почувствував неопислива болка, не знаев што ме снајде, мислев дека ги скршив сите прсти на стапалото или дека стапнав на стакло. Меѓутоа имаше многу малку крв, а премногу болка. И да знаев за жешкиот камен и жешката вода кои помагаат немаше да се сетам во тој момент, затоа што немав поим што се случи, напишала на „Фејсбук“ девојката од Србија која претходните години имала непријатно искуство со морски пајак.

Сопругот веднаш ја однел во болница каде што дознала дека веројатно нагазила на риба со боцки на грбот.

Ми дадоа инјекција која не знам зошто служи, но одвај ми ја намали болката, а ми дадоа и рецепт за некоја маст. Епилогот на целата приказна беше тоа што цел ден чувствував болки, а стапалото ми отече толку многу што цел ден носев папучи. Отокот и понатаму не се повлече целосно ни по две недели, додала девојката.

Рибата, која вообичаено живее во големите длабочини, во последно време сè почесто се појавува во близина на крајбрежјето, а бидејќи вешто се сокрива во песокот, доколку ја згазнете таа испушта отров. Кога ќе испушти отров почнуваат неподносливи болки па затоа потребна е итна медицинска помош. Првата помош е жешка вода затоа што отровот е термолабилен, поради тоа не е лошо секогаш покрај себе да имате шише вода која ќе ја чувате на сонце.

Оваа опасна риба ја карактеризираат високо поставени очи, долната вилица е подолга од горната вилица, и шарите на грбот. Од долната страна има боцки свртени наназад, а слични боцки има и на првата грбна перка.

Токму со убодот од овие боцки, морскиот пајак го внесува отровот во телото на жртвата со драматични последици, а некогаш во минатото кога немало адекватна медицинска помош сето тоа резултирало со смрт.

ВИДЕО: Нова бура во Грција - забележани повеќе од 3.500 громови

Повеќе од десетина луѓе се евакуирани во западна Грција.

Поплавите ги оштетиле патиштата недалеку од градот Нафпактос и Патре, но немало повредени ни исчезнати.

Забележани се повеќе од 32.500 громови, главно во северниот и централниот дел на Грција. Бројни куќи и продавници се поплавени, велат надлежните.

Силните бури не се вообичаени во Грција.

Да потсетиме, во силно невреме, кое на 11. јули го погоди полуостровот Халкдики загинаа 7 лица, додека повеќе од 100 се повредени

Соседите слушнале дека вреска, па настанал молк

38-годишната Санела Кадриќ, самохрана мајка на малолетно девојче, починала откако била касната од инсект додека собирала алишта.

Трагедијата се случила во петокот во 14 часот, кога Санела од Лесковац собирала алишта од жица во семејната куќа.

-Слушнав дека вреска, па настана молк. Не сфатив што се случи. После неколку минути се вратив од продавница и слушнав дека починала. Ужас! Во овој крај вакво нешто не се случило - рекол сосед и додал дека претпоставува дека стршленот се сокрил во алиштата и така успеал да ја касне.

Бидете секогаш внимателни при казнување од стрешлен, не го игнорирајте каснувањето иако немате симптоми, затоа што може да се јават и после неколку часа и да доведат до смрт.

Србинка оживеа жена која модра ја извадија од грчкото море

Лаборантот од Крагуевац, Весна Радовановиќ на островот Евија спаси една грчка баба од давење. Несреќната жена била извадена од морето, модра во лицето и речиси без знаци на живот.

- Видов во плиткото дека е извадена жена во години која беше модра во устата. Ги замолив луѓето што се обидуваа да и помогнат да се тргнат, а жената ја превртев на страна за да и се ослободат дишните патишта а истовремено и ја извадив и забната протезе. По стандардната процедура почнав да и го притискам горниот дел од стомакот, за да ја извадам водата која ја проголтала. Наеднаш жената почна повторно да диши, помодрените усни почнаа да ја менуваат бојата, што значеше дека нивотo на кислород во телото на жената се подига. Набргу стигна Брзата помош и бабата беше однесена во болница во стабилна состојба. Верувам дека ќе биде добро – изјавила Весна и додала:

Утре ми е роденден, а спасување на еден туѓ живот за мене е најголем подарок.

Популарно