ФОТО: Носталгична средба на „Миле Паника“ и „Тошо Малерот“ во Скопје

Васко Тодоров, познат како Тошо Малерот, пред неколку дена се врати Австралија. Дека стигнал во Скопје прв објави неговиот пријател Бранко Огњановски, односно Миле Паника. Тој заедничката слика ја стави на „Твитер“ и напиша дека се пак заедно. Фановите коментираа дека Васко е сигурно носталгичен штом дошол во Македонија неполни две години од последната посета.

Откако Васко дојде во Македонија, тој и Бранко се дружат секојдневно. Се што прават заедно, Бранко споделува на твитер-профилот на Миле Паника, па откри дека вчеравечер биле на гезме со поранешниот кошаркар и претседател на Кошаркарската федерација, Перо Антиќ. „Убаво друштво“, напиша тој.

За потсетување, Васко пред неколку години се пресели во Австралија. Таму замина со сопругата Марија Христова, со која се ожени 2015 година. Васко беше дел од најпопуларното хумористично шоу кај нас, К-15, во кое освен тој и Бранко Огњановски, глумеше и Бубо Каров, познат како Цацко Конопишки. Фановите на шоуто и пред 2 години коментираа дека треба да се снимат нови епизоди додека е Тошо Малерот во земјата, а слични коментари оставаат и на сликите што сега ги објавува Миле Паника на социјалните мрежи.

ВИДЕО: Актерката од „Игра на тронови“ со растажувачка објава

Џозефин Гилан има епизодна улога во популарната „Игра на тронови“. Актерката тврди дека социјалните служби од Израел ја киднапирале ќерка ѝ, која има 8 месеци.

Според актерката, бебето било кај нејзина другарка, бидејќи таа морала да се јави на редовниот третман за постпородилната депресија. Додека тоа се случувало, судот донел налог дена бебето треба да ѝ биде одземено.

Таа покренала петиција со која бара ќерката да ѝ биде вратена. Џозефин наскоро ќе биде сослушана, но дотогаш бебето ќе биде во згрижувачко семејство.

Од целиот настан таа објавила и видео, во кое ѝ се закануваат со затвор доколку не го предаде детето.

„Јас сум Џозефин Гилан, глумев во ‘Игра на тронови’ и не сум вработена моментално. Мојата ќерка е киднапирана и предадена на друго семејство. Не ми е дозволено да ја гледам. Не знам каде е. Не направив ништо лошо, ниту пак пријателите кои ја чуваа додека бев на терапија“, напишала актерката на нејзината „GoFundMe“ страница.

ФОТО: Вака сега изгледа Касaндра

Експанзијата на латино-американските серии во Македонија почна во 1997-1998 година, а најпопуларна беше „Касандра“ од Венецуела. Убавата актерка Кораима Торес во улогата на Касандра ги освои срцата на гледачите.

Врв на популарноста беше кога Касандра во серијата заврши во затвор, па во некои земји на поранешна Југославија луѓето пишуваа петиција да се ослободи. Се продаваа и албуми со сликички со ликовите на Касандра, Ранду, Луи Давид, Доринда...

Денес, Касандра има 46 години. Таа уште игра во теленовелитe. Од Венецуела, се пресели во Богота, Колумбија. Се омажи за актерот Николас Монтеро и го имаат синот Ману Нико. 

Таа и денеска, во петтата деценија, изгледа одлично. 

ФОТО: Вака изгледа познатата „мама две чевли“ од Том и Џери

Том и Џери е еден од најпознатите цртани филмови во историјата. Првата епизода е емитувана во 1940 година.

Покрај мачката и глушецот, во цртаниот се појавува уште еден лик, но не целосно. Наскоро овој лик беше наречен „Мама“, односно „Мама две чевли“.

Инаку, „мама две чевли“ е жена од афроамеричко потекло во чиј дом живее мачорот Том, а таа го храни и чува, но понекогаш и го брка.

Анимираниот лик на мама никогаш не беше прикажан, но затоа знаеме кој го позајми нејзиниот глас.

Тоа е Лилијан Рандолф, американска актерка и пејачка која беше активна на телевизија уште од 1930-тите до последниот ден од нејзиниот живот.

Популарно