Како да заштедите пари кога купувате авионски билет?

Кога купувате авионски билет со месеци наназад ќе заштедите пари, но треба да знаете дека билетот никогаш не е евтин, освен кога авиокомпанијата согледува дека мора да ја спушти цената или никој нема да купи билет.

Потребно е да знаете неколку едноставни работи на кои треба да обрнете внимание.Бидете флексибилни во одбирањето на дестинација

Не се држете само за една дестинација, сигурно има и други места кои сакате да ги посетите. Одлучете се според вашиот буџет.

Флексибилни со датумите

Доколку изберете да патувате во тек на неделата, ќе најдете поевтини билети. Според Forbs, најдобро е да патувате во тек на работната недела. Билетите се поскапи во време на викенд.

Бирајте полноќни летови

Изберете полноќни летови затоа што тие секогаш се со пониска цена. Исто така, имате време да се наспиете во текот на летот.

Следете ги авиокомпаниите на социјалните мрежи

Ова е уште еден начин како да бидете во тек со новости за патувањата. Можеби ќе имате среќа со некоја last minute понуда, или пак попуст на авио билети кои важат само во определен ден.

Споредете го повратниот билет со билетот во еден правец

Постои можност дека билетот во еден правец ќе биде поевтин, затоа што не е исто кога сакате да заминете на популарна туристичка дестинација и кога од неа се враќате во град во Источна Европа.

Распрашајте се за авиокомпанијата

Пред да купите билет од нискобуџетна авиокомпанија, проверете што влегува, а што не влегува во таа цена. Некогаш во цената е вклучено само седиштето, па дополнителните трошоци ќе бидат многу поголеми.

Ќе се бришат милиони сметки на Gmail

Ако имате неактивна сметка што сакате да ја зачувате, сè уште имате време да го сторите тоа.

Google уште во мај објави дека ќе започне со бришење на сметките кои се неактивни две или повеќе години.

Пред ова, компанијата би ја бришела само содржината зачувана на сметката, а не самата сметка. Промената би требало да ја зајакне безбедноста, бидејќи неискористените сметки се подложни на компромитирање.

Google соопшти дека бришењето ќе започне во декември 2023 година, што е само еден месец од сега.

Ако имате неактивна сметка што сакате да ја зачувате, сè уште имате време да го сторите тоа. Технолошкиот гигант го започнува процесот во фази, почнувајќи со сметки кои се креирани и никогаш повеќе не се користат.

Одлуката за бришење се однесува само на личните сметки, но не ги вклучува сметките од организации како што се училишта и бизниси. 

Ватсап наредниве недели овозможува два профила на еден телефон

За луѓето кои имаат приватен и деловен профил на „Ватсап“ или пак два профила од иста природа, наскоро нема да им требаат два мобилни телефона.

Апликацијата ќе им овозможи на своите корисници да имаат два профила на еден уред. Но, условот е корисникот да има два телефонски броја или мобилниот телефон да поддржува е-СИМ или двојна т.е. повеќенаменска СИМ-картичка.

Од „Ватсап“ велат дека сега веќе нема да треба да се одјавите од еден профил за да влезете во друг, туку ќе биде овозможен истовремен пристап до двата профила. За тоа се бира опцијата „Сетингс“ во апликацијата, се кликнува на стрелката до името и се бира „Додај профил“.

Секој профил има посебни поставки за приватност, па може да се избере примање известувања само од една сметка. Ова е полезно доколку корисникот е на одмор и не сака да добива пораки од работа.

Годинава претходно на корисниците им беше дадена можност да пристапат до еден профил од повеќе уреди. Новото ажурирање ќе пристигне на уредите со „Андроид“ наредниве недели.

Икс воведува опции кои корисниците долго време ги посакуваа

Социјалната мрежа Икс почна да ја воведува услугата за аудио и видеоповици. Опциите може да се најдат во делот „Поставки“ за „Директни пораки“, а новите функции може и да се исклучат.

Оваа новина во август ја најави извршната директорка Линда Јакарино, истакнувајќи дека ова е само чекор во еволуцијата на платфрмата кон тоа да стане „апликација за секого“, исто како што напомна и сопственикот Илон Маск.

Корисниците ќе имаат можност да изберат опција за одобрување повици само од одредени корисници, по избор.   

Популарно