Редок вид на цицач виден прв пат после 30 години

Мал и редок вид на цицач, како елен, кој научниците не го виделе речиси 30 години, е фотографиран во една шума на југот на Виетнам, соопштила групата за зачувување на видови – “Global Wildlife Conservation”. Фотографиите од малото животно познато и како виетнамски глувчешки елен со сребрена боја на грбот, се направени во дивина, навела групата и додала дека тоа животно со големина на зајак не е глушец, ни елен, туку најмалиот цицач со копита.

Тие животни обично се срамежливи и осамени, делува како да одат на врвот на копитата, а имаат и крзно со сребрен сјај, навела групата.

Животното прв пат е опишано во 1910-та година. Во централен Виетнам до 1990-та година е видена пет пати и прогласена е за еден од најретките животински видови. Камерите поставени во шумата во текот на пет месеци направиле 1.800 фотографии.

Вознемирувачко видео: Куче фрлено од зграда во Тетово

На социјалните мрежи се шири вознемирувачко видео на кое се гледа како куче паѓа од балкон на зграда, од голема висина.

-Педесет и осумгодишниот тетовец Ѓ.З. вчера (22 март) во 18 часот и 40 минути во СВР Тетово пријавил дека околу 17 часот од балкон на зграда во изградба на улица “Благоја Тоска” во Тетово,, спроти зградата во која тој живеел, од шесттиот кат паднало куче и набргу потоа yгинало. Кучето, според пријавеното, во објектот се обидувале да го заловат двајца тетовски пожарникари. Се расчистува и документира случајот, велат од МВР.

На видеото може да се чуе плач на кучето пред да падне од голема висина, а од зградата се слушаат гласови.

Почина вработен во скопската зоолошка, неколку часа по него угина жирафата која ја чуваше

На 44-годишна возраст почина зоо-негувателот Ристе Трајковски, познат по љубовта и негата што им ги посветуваше на жирафите во скопската зоолошка градина.

За неговата приказна и поврзаноста со жирафите пишуваше и британски „Дејли стар“.

Тажната вест брзо се прошири на социјалните мрежи, каде што од Трајковски се збогуваат неговите блиски, пријатели и почитувачи.

Неколку часа по неговата смрт, угина и жирафата која тој ја чуваше во скопската зоолошка.

Видео: „Најосамениот лав на светот“ пуштен на слобода

Рубен, „најосамениот лав на светот“ кој беше затворен во зоолошка градина во Азербејџан, конечно ја вкуси слободата.

Животното старо 15 години последниве шест години ги мина сам во тесен кафез. Својот нов живот ќе го продолжи во резерват за диви животни во Јужна Африка. Ова своевидно спасување почна откако беше откриено дека Рубен е единственото животно останато во зоолошката градина по смртта на бизнисменот кој беше нејзин сопственик.

Меѓународната организација за заштита на животните – АДИ, (Animal Defenders International) со седиште во Велика Британија, покрена иницијатива за префрлање на Рубен од малата куќарка каде што го минал животот, во дивината, но на безбедно место во Јужна Африка. Авиокомпанијата „Катар ерлајнс“ помогна во тоа.

– Бевме во солзи кога Рубен излезе од кафезот, шетајќи по тревата слободно првпат во својот живот, изјави претседателот на АДИ, Јан Кример.

Поради осамениот живот последниве години, Рубен заборавил и да рика, па АДИ се надева дека за него ќе почне „нов, среќен период на слобода“, како што изјавија оттаму. 

Популарно