На својот ФБ профил пратениччката Фросина Ременски напиша објава во врска со доверливите документит кои беа кои беа одземени од нејзиниот дом таа напиша „Читам, портпаролот на (ВМРО-) ДПМНЕ многу нервозен денес на прес конференција влегол во филм за некакви уцени со класифицирани информации поведен од „веста“ од вчера и не знам по кој пат го спомнува Јовче Ременски“.
Откако вчера порталот МКД објави дека во домот на пратеничката Ременски и нејзиниот сопруг Јовче Ременски биле пронајдени доверливи документи, при претресот за истрагата на Меѓународниот сојуз на Бојан Јовановски- Боки 13, реагираа и од ВМРО-ДПМНЕ.
Опозициската партија прашува дали Ременски од УБК изнесувал класифицирани информации, списи и докази и ги чувал во сопствениот дом, спротивно на сите закони и процедури.
– Доколку со таква леснотија се изнесуваат документи од МВР, дали како држава треба да стравуваме дека и други лица поседуваат класифицирани документи во своите домови и ги користат за приватни работи и уцени, прашуваат од ВМРО-ДПМНЕ.
Вечерва на оваа партиската реакција на Фејсбук се огласи Ременски:
– Да му порачам и нему (на портпаролот) и на сите заинтересирани дека, од тие „класифицирани“ документи одземени од мене – Фросина Ременски многу бргу ќе ги боли глава. И нека не се залажуваат дека, Ременски работат како нивните суфлери „безбедњаци“, на пазарења, помилувања, креирање инсинуации, прикаски, и воопшто не се занимаваат со партиски фрустрации на спикери и полтрони. А прашањето од пресот дали на ОЈО и на МВР им е потребен дополнителен медиумски притисок, само покажува како знаеле и како знаат. Се надевам ќе има прес и медиумски притисок кога ќе дознаат за мистериозните документи, објави Ременски.
Народот за вакви прилики има повеќе поговорки. Една од нив е: „Ем шуто, ем боде“ или „Ем голо, ем золо“!