ВИКЕНД НА ДИЈАЛОГ: Македонско-бугарските односи да бидат процес за градење доверба и пријателство, а не за подгревање негативни емоции...

Иницијативата „Викенд на дијалог - новинари против предрасудите“, смета дека македонско-бугарските односи треба да бидат процес на градење доверба и пријателство, а не тема задневна политика, преку која ќе се подгреваат негативни емоции во двете држави.

Ова е само една од 13-те точки на Декларацијата, против предрасудите, говорот на омраза и лажните вести во меѓусебното известувањата, што ја објавија новинарите учесници на првиот „Викенд на дијалог“, кој во септември 2019 година се одржа во Охрид.

Новинарите од Бугарија и од Р.С Македонија, ги повикуваат државните власти и политичките структури во двете држави енергијата и фокусот да го насочат кон јакнење на добрососедските односи, економската соработка, инфраструктурното поврзување, а темата за македонско- бугарските односи да ја изостават од своите дневно-политички агенди, истовремено ги повикуваат владите на како и политичките елити во двете држави, да придонесат кон поголема слобода и независност на новинарите и медиумите.

Дел од точките на декларацијата се посветени и на самите медиуми, за кои новинарите учесници на „Викенд на дијалог“ сметаат дека во процесот на намалување на предрасудите е потребна поголема размена на информации и поттикнување на медиумите за ангажирање на дописници во редакциите од двете држави.

-Предрасудите меѓу двете држави, кои се резултат на поранешните социјалистички системи, се уште постојат. Нивното потиснување е можно со взаемни напори за промоција на позитивни информации за двете држави и размена на што поголем број на вести во медиумите. Во тој контекст и потребата од реемитување на телевизиски програми од една во друга држава, согласно законодавствата на двете држави. Потребна е поголема размена и проток на информации на ниво на професионални новинари за прашања кои ги засегаат македонско- бугарските односи.Ги поттикнуваме медиумите во Република Бугарија и Република Северна Македонија да почнат процес за воспоставување професионална соработка на дописничко ниво во двете држави, стои во точките од декларацијата.

Новинарите учесници на првиот „Викенд на Дијалог“ сметаат дека оваа иницијатива треба да продолжи и во 2020 година со уште еден викенд во Бугарија.

Иницијативата „Викенд на дијалог – новинари против предрасудите“ беше финансиски поддржан од Министерството за надворешни работи на Р.Бугарија, преку Амбасадата на Р.Бугарија во Скопје.

https://www.facebook.com/%D0%92%D0%B8%D0%BA%D0%B5%D0%BD%D0%B4-%D0%BD%D0%B0-%D0%B4%D0%B8%D1%98%D0%B0%D0%BB%D0%BE%D0%B3-Weekend-of-dialogue-109604160428408/videos/?ref=page_internal

Вратен и третиот мандат за формирање влада, следат нови избори во Бугарија

Претставниците на партијата „Има таков народ“ (ИТН) денеска на бугарскиот претседател Румен Радев му го вратија третиот и последен мандат за состав на влада, што тој им го врачи, со што се отвора патот за закажување на вонредни парламентарни избори.

Мандатот што и беше врачен на ИТН беше последна шанса за формирање на редовна влада во рамките на Народното собрание, јавува Бугарското радио.

Претседателот Радев сега мора да одреди датум за предвремени парламентарни избори, откако три мандати за формирање влада му беа вратени.

Хрватска: Наполитанки Кит Кат повлечени од пазарот

Хрватскиот државен инспекторат ги повлече од пазарот наполитанките „Нестле Кит Кат мини“ поради присуство на минерални масла, соопшти Агенцијата за земјоделство и храна.

Се повлекува исклучиво „Несле Кит Кат Мини“ 200 г во кесичка серија 40580734, со рок на траење од 01.2025 година, пренесува Дневник.хр.

Производител е Nestle Deutschland AG, Франкфурт, Германија, а дистрибутер за Хрватска е Nestle Adriatic д.о.о. од Загреб.

Полицијата фаќа нов правец во потрагата по малата Данка

Двегодишната Данка Илиќ која се води за исчезната од вторникот, 26 март, околу 13 часот во Бањско поле кај Бор, се уште не е пронајдена.

Вчера попладне, по 27 часа, полицијата ја прекина теренската потрага бидејќи не верува дека девојчето се наоѓа на пребараниот простор од околу 10 квадратни километри.

Интензивната полициска работа продолжува до пронаоѓање на Данка Илиќ. Сега истрагата се движи во друга насока, а овие три важни индиции може да доведат до исчезнатата Данка.

1) Преглед на мобилниот телефон на мајката

Полицијата вчера го зела телефонот на Ивана Илиќ, мајката на исчезнатото девојче Данка и го испратила на вештачење, дознава „Блиц“.

Полицијата тоа го направи како дел од пошироката истрага за сите контакти на семејството на исчезнатата Данка Илиќ и нивните врски. Податоците од телефонот на мајката на Данка би можеле да укажат на нови детали или луѓе од значење за случајот.

Треба да се напомене дека анализата на телефонот на мајката на Данка, како и тоа што родителите на исчезнатата Данка Илиќ вчера биле приведени во полиција на распит во врска со исчезнувањето на нивната двегодишна ќерка, не значи дека тие се осомничени или обвинети за какво било кривично дело објаснуваат од истрагата за српските медиуми.

– Полицијата го проверува приватниот живот и контактите на членовите на семејството на исчезнатата Данка Илиќ. Не исклучуваат ниту една можност додека се детално не се испита – вели изворот на „Блиц“.

2) Анализа на податоци од базни станици

Откако теренската потрага по исчезнатата Данка Илиќ е прекината, се врши детална проверка на податоците од базните станици на мобилни телефони во областа Бањско поле, со цел да се утврди движењето на сите лица кои биле во близина на местото каде што исчезна Данка во кобното време во вторник.

Вкрстувањето на овие податоци со изјавите на сите лица со кои полицијата разговараше по исчезнувањето на девојчето може да укаже на можни недоследности во изјавите и да отвори нови можности во истрагата.

– Досегашните резултати укажаа на нов правец во кој треба да оди истрагата. Пребарувањето на теренот е прекинато, но работата за пронаоѓање на девојчето е интензивирана и нема да запре додека не се најде детето – изјави синоќа за „Блиц“ добро упатен извор.

3) Проверка на деталите од пријавата за исчезнувањето на малата Данка

Иако теренската потрага е прекината, истрагата за исчезнувањето на Данка продолжува, а сега се проверуваат приватниот живот и контактите на сите членови на семејството. Повторно се прочешлаат нивните изјави, како и деталите од пријавата на мајката на Данка за исчезнувањето на детето – времето на кобниот настан, каде отишле пред исчезнувањето, а каде отишла мајката по исчезнувањето.

Нејасно е и како 22-месечното девојче успеало толку брзо да избега од вниманието на возрасните среде бел ден. Затоа истражувањето на деталите за извештајот за исчезнатото лице може да помогне да се фрли ново светло на тој мистериозен момент во вторникот попладне.

Популарно