Видео порака за младите кои не ги почитуваат мерките: „Не сте непобедливи“

Државите низ целиот свет се мачат со младите, кои со попуштањето на мерките одлучија да се вратат на опуштениот живот. Нивните излегувања во барови и клубови, забави на отворено и непочитување на дистанцата доведоа до тоа да има многу заболени од коронавирус, па експертите се повеќе предупредуваат на опасноста која се заканува на нвините животи или животите на нивните најблиски.

Полицијата постојано се обидува да ги спречи забавите на отворено, но постојано се организираат нови, што резултира со пораст на бројот на заразени со коронавирус меѓу младите во многу земји.

Светската здравствена организација (СЗО) неколку пати ги повика младите да бидат одговорни, но изгледа тоа не вроди плод.

– Иако е помалку веројатно дека младите луѓе ќе патат од потежок облик на Ковид-19, тие можат да ги заразат членовите на својата фамилија, вели Лотар Вилер, директор на германскиот Институт за јавно здравје.

„Не сте непобедливи“

За разлика од првиот бран, во вториот бран многу драви забележаа пораст на бројот на заболени меѓу младата популаци, па така властите во Канада одлучија да им порачаат на помладите од 40 дека не се „непобедливи“ во борбата со коронавирусот.

Дека се во право покажува и фактот дека во неколку гранцуски градови е воочен пораст на заразени меѓу младите кои се забавуваат во барови или на забави. ВО последните две недели помеѓу 40 и 50 отсто од новите заразени во Женева се поврзани со лица кои посетувале ноќни клубови, пренесува Јутарњи.хр.

Властите во Швајцарија и во други земји на тоа одговориле со повторно затворање на ноќните клубови и барови или со скратено работно време.

Славните и големи ноќни клубови во Ибица не се отворени, бидејќи регионалните власти одлучиле дека тие што имаат капацитет за повеќе од 300 посетители нема да работат ова лето од безбедносни причини.

– Младите е најтешко да се контролираат. Тие едноставно имаат желба за забава, рекол Фернандо Симон од шпанското Министерство за здравство.

Тој рекол дека можеби ќе биде потребно да се воведат казни за младите да се натераат да ги почитуваат правилата за физичка дистанца.

Природен имунитет

Предизвикот на сите држави е да пронајдат начин за да допрат до младите и нивната свест. Мариано Урало, социолог од мадридскиот универзитет, тврди дека младите укинувањето на карантинот го разбрале како враќање на неограничена слобода. Притоа, градските власти во Мадрид снимиле оглас со кој се обидуваат младите да ги убедат да го сфатат коронавирусот посериозно.

Видеото почнува со снимка од собир на млади луѓе кои пијат пиво по пиво во бар, а потоа играат во ноќен клуб. Во следната сцена се гледа пациент на респиратор, а последната сцена покажува крематориум.

Пораката на крајот гласи: „Тука е многу потопло отколку под маска“.

Некои експерти сметаат дека младите треба да бидат пуштени да стекнат отпорност на вирусот.

– Тие многу побрзо ќе стигнат до колективен имунитет, смета инфектологот Ерик Каумес од болницата во Париз Питие-Салпетриере.

извор: slobodenpecat.mk

Маж во Илиноис уби четири лица и избоде петмина, нападот траел 20 минути

Четири лица загинаа, а пет се повредени во напад во Рокфорд, Илиноис, додека 22-годишен осомничен е уапсен.

Полицијата, исто така, соопшти дека некои од жртвите биле избодени, но не било употребено огнено оружје во нападот, пренесува CBN News Chicago.

Убиени се 15-годишно девојче, 63-годишна жена, 49-годишен маж и 22-годишен млад човек.

Шефот на полицијата во Рокфорд, Карла Ред, изјави дека загинале вкупно четири лица, додека еден од нив е тешко повреден. Четири лица се префрлени во болници, каде нивната состојба е стабилизирана.

Повиците до полицијата и итните служби дошле од повеќе страни додека нападот траел приближно 20 минути, а екипите набрзо биле на терен. Од полицијата истакнаа дека засега не е јасна причината за нападот.

Тинејџер во Германија ги заклал родителите и братот, од смрт ја поштедил сестра си

Деветнаесетгодишник со нож ги убил братот и родителите и тешко си ја повредил сестрата во Хохентенген на германско-швајцарската граница, соопшти државното правобранителство во сојузната покраина Баден-Виртемберг. 19-годишникот со нож ги убил родителите на возраст од 58 и 61 година, а потоа и 34-годишниот брат. Сестрата, чија возраст не е објавена, била повредена и со хеликоптер била пренесена во блиската болница. Таа наводно се здобила со сериозни убодни рани, но нејзиниот живот не е во опасност.

Инцидентот се случил вчера вечерта, соопштија од полицијата и од државното правобранителство. Осомничениот е уапсен. Според полициското соопштение, целото семејство живеело во куќата во која се случил масакрот. Убиецот има германско и италијанско државјанство. Мотивот за нападот се уште е нејасен.

Според информациите од државното правобранителство, 19-годишникот се товари за тројно убиство без умисла и обид за убиство, а во текот на денот треба да биде изведен пред судија кој треба да одреди мерка притвор.

Во истата област, пред два месеци, 32-годишен син ги убил своите родители, а на крајот и себеси

Ни трага, ни глас од 100 лица по масакрот од Москва

Деведесет и пет лица се уште се водат како исчезнати по минатонеделниот терористички напад во Москва, јавија денеска руските медиуми.

Официјалниот биланс на загинати во нападот во Crocus City Hall сега е 140 мртви и 182 ранети.

Порталот База, кој има добри врски со руските безбедносни служби, објави дека на списокот се појавиле уште 95 лица кои нивните семејства ги пријавиле за исчезнати.

Руските истражители велат дека акцијата ја извршиле четворица напаѓачи со калашникови. Пукањето започна непосредно пред рок групата „Пикник“ да настапи пред 6.200 гледачи.

Оттогаш руските социјални мрежи се преплавени со повици за помош во пронаоѓањето на исчезнатите.

Собрани во чат на Телеграм, пријателите и семејствата ги споделуваат имињата на луѓето кои сè уште се бараат и нудат поддршка еден на друг.

Популарно