Фотографии кои никогаш не треба да ги објавувате на социјалните мрежи

Технологија

на 9.2021

Многу е важно да внимавате што објавувате на социјалните мрежи и кои информацции ги откривате. Објавените чувствителни информации може да ви ја загрозат работата, а дури и идентитетот.

1.Карта за пат

Иако вам ви се чини дека е безопасно да објавувате фотографии од картите за патување на кои ќе одите наскоро, тоа баш и не е така. Хакери така можат да дојдат до податоци како што се вашиот матичен број, датум на раѓање итн. Освен тоа на картите најчесто е наведен и датумот на поаѓање и враќање. Благодарение на тоа разбојници може да ви влезат дома искористувајќи ја таа ситуација.

2.Пари

На социјалните мрежи не треба да споделувате какви било информации од вашата финасиска состојба, а тоа вклучува и слики од пари, картички или било што што може да даде увид во вашите финансии. Таквите фотографии само ги зголемува шансите некој да ве ограби.

3.Добитно лото ливче

Ако сте имале толку среќа да освоите пари на лото не би требало да се фалите со тоа на социјалните мрежи. Искусните криминалци лесно можат да си поиграат со бар кодот и да ви ја украдат добивката.

4.Доверливи работни мејлови

На социјлните мрежи не треба да споделувате информации кои се врзани со вашата работа. Без разлика дали станува збор за нова деловна идеја која вашата компанија ја развива или станува збор за комуникација со колегите. Ништо од тоа не смеете да објавувате. Поради такви случаи може да ја загубите и работата.

5.Работи кои не се авторизирани

Иако можеби сакате да се пофалите со нешто што сте го напишале, не смеете тоа да го споделувате на социјалните мрежи авторскиот труд да е објавен. Други многу лесно може да приграбат заслуги за вашето дело.

6.Фотографии од деца

На социјалните мрежи не смеете да споделувате фотографии од деца, особено ако станува збор за туѓи. Добро размислите пред да одлучите да објавите фотографија од малолетни лица.

7.Спомени од пијана вечер

Вашите потенцијални работодавачи можат да ги видат таквите фотографии, а тоа може да ве дискредитира. Внимавајте и како се изразувате зашто она што вам ви звучи шеговито може да не звучи така на вашиот надреден.

8.Политички објави

Политички вицеви и објави не би требало да ги објавувате на своите профили зашто тоа може да се чини работно место. Освен тоа, политичките објави можат да предизвикаат прилично жестоки расправии поради што можете да се искарате со пријателите.

9.Големи вести за други луѓе

Ако вашата сестра ви се јави и ви каже дека е бремена немојте веднаш тоа да го објавувате на социјалните мрежи, особено ако таа тоа не го споделила со блиските личности. Иако сте возбудени и среќни, тоа не е ваша вест која би требало да ја споделувате со другите.

10.Туѓи фотографии

Објавување на туѓи фотографии на социјалните мрежи е кршење на правилата и стандардите на Фејсбук, а во голем број земји тоа е и законски регулирано, па објавувањето на туѓи фотографии е илегално. Во зависност од природата на фотографијата, другата личнот може да ве тужи.

Ќе се бришат милиони сметки на Gmail

Технологија

пред 6 месеци

Ако имате неактивна сметка што сакате да ја зачувате, сè уште имате време да го сторите тоа.

Google уште во мај објави дека ќе започне со бришење на сметките кои се неактивни две или повеќе години.

Пред ова, компанијата би ја бришела само содржината зачувана на сметката, а не самата сметка. Промената би требало да ја зајакне безбедноста, бидејќи неискористените сметки се подложни на компромитирање.

Google соопшти дека бришењето ќе започне во декември 2023 година, што е само еден месец од сега.

Ако имате неактивна сметка што сакате да ја зачувате, сè уште имате време да го сторите тоа. Технолошкиот гигант го започнува процесот во фази, почнувајќи со сметки кои се креирани и никогаш повеќе не се користат.

Одлуката за бришење се однесува само на личните сметки, но не ги вклучува сметките од организации како што се училишта и бизниси.

Ватсап наредниве недели овозможува два профила на еден телефон

Технологија

пред 6 месеци

За луѓето кои имаат приватен и деловен профил на „Ватсап“ или пак два профила од иста природа, наскоро нема да им требаат два мобилни телефона.

Апликацијата ќе им овозможи на своите корисници да имаат два профила на еден уред. Но, условот е корисникот да има два телефонски броја или мобилниот телефон да поддржува е-СИМ или двојна т.е. повеќенаменска СИМ-картичка.

Од „Ватсап“ велат дека сега веќе нема да треба да се одјавите од еден профил за да влезете во друг, туку ќе биде овозможен истовремен пристап до двата профила. За тоа се бира опцијата „Сетингс“ во апликацијата, се кликнува на стрелката до името и се бира „Додај профил“.

Секој профил има посебни поставки за приватност, па може да се избере примање известувања само од една сметка. Ова е полезно доколку корисникот е на одмор и не сака да добива пораки од работа.

Годинава претходно на корисниците им беше дадена можност да пристапат до еден профил од повеќе уреди. Новото ажурирање ќе пристигне на уредите со „Андроид“ наредниве недели.

Икс воведува опции кои корисниците долго време ги посакуваа

Технологија

пред 6 месеци

Социјалната мрежа Икс почна да ја воведува услугата за аудио и видеоповици. Опциите може да се најдат во делот „Поставки“ за „Директни пораки“, а новите функции може и да се исклучат.

Оваа новина во август ја најави извршната директорка Линда Јакарино, истакнувајќи дека ова е само чекор во еволуцијата на платфрмата кон тоа да стане „апликација за секого“, исто како што напомна и сопственикот Илон Маск.

Корисниците ќе имаат можност да изберат опција за одобрување повици само од одредени корисници, по избор.