„Да избереме она што мислиме дека е за сите најдобро. Во тој дух сакам уште еднаш да ја испратам пораката, прво, за неповредливост на правото на избор. Секој наш граѓанин има право да бира, да биде биран и треба да оставиме граѓаните буквално сами да се одлучат. Сите да имаме можност тоа да го промовираме и презентираме“- ваква порака испрати денеска првиот човек на Владата, Зоран Заев праќајќи ја пораката за фер и демократски избори.
Тој во изјава за медиумите потенцираше дека и штабовите на политичките партии имаат заедничка соработка. Како што изјави премиерот, тоа го правеле со цел, да ги состават заедно агендите, за да не дојде до преклопување, за секоја партија да има свој доминантен простор.
„Тоа го правиме и со малите политички партии, барем ние од СДСМ и нашата коалиција. Веројатно сега тоа се прави со независните листи, за сите да имаат соодветен менаџмент на просторот, како и можност да допрат до сите граѓани“-дополни премиерот Зоран Заев, во својата изјава.
