„Време е...“ за драстични промени во нашата земја!

Време е да разговараме за важни теми, за подобра иднина, за почиста животната средина.

Во четврток во 20 часот стартува серијалот поткаст емисии „Време е...“ со водителот Валентин Николовски, посветен на анализи и дебати со цел да се поттикнат општествени промени во свеста на граѓаните за односот кон животната средина.

Поткаст шоуто со работен наслов „Време е...“ е продуцирано во форма на динамично ТВ-шоу во живо со времетраење од 60 минути, адаптирано според онлајн стандарди.

Целта е дека ние, како заедница треба да го смениме, не само начинот на размислување, туку и нашите постапки, а со тоа да го смениме општеството во кое живееме, за на крајот да го достигнеме нивото на земјите членки на Европската Унија.

Првата  емисија е наменета за управување со отпадот, а во неа ќе гостуваат Филип Иванов, консултант за управување со отпад, Ана Каранфилова Мазневска, раководител на секторот за управување со отпад од Министерство за животна средина и просторно планирање, како и Горан Ангелов, експерт за управување со отпад.

Во емисијата ќе ја видите реалната слика со ѓубрето во Македонија, како се одлага отпад во државите на Европската Унија, што се може да се прави со отпадот.

Емисијата е поделена во неколку сегменти и ќе се емитува на онлајн платформите на порталот zase.mk, а поткастот во живо ќе се пренесува и споделува на социјалните мрежи YouTube, на Facebook, Twitter, Instagram.

Пилот проектот „Време е!“ реализиран од здружението МЕДИУМ Скопје, и е делумно поддржан од Европската Унија преку проектот „ЕУ СО ТЕБЕ“.

Овој проект ги отсликува ставовите на здружението МЕДИУМ и не ги отсликува ставовите на Европската Унија.

Маж во Илиноис уби четири лица и избоде петмина, нападот траел 20 минути

Четири лица загинаа, а пет се повредени во напад во Рокфорд, Илиноис, додека 22-годишен осомничен е уапсен.

Полицијата, исто така, соопшти дека некои од жртвите биле избодени, но не било употребено огнено оружје во нападот, пренесува CBN News Chicago.

Убиени се 15-годишно девојче, 63-годишна жена, 49-годишен маж и 22-годишен млад човек.

Шефот на полицијата во Рокфорд, Карла Ред, изјави дека загинале вкупно четири лица, додека еден од нив е тешко повреден. Четири лица се префрлени во болници, каде нивната состојба е стабилизирана.

Повиците до полицијата и итните служби дошле од повеќе страни додека нападот траел приближно 20 минути, а екипите набрзо биле на терен. Од полицијата истакнаа дека засега не е јасна причината за нападот.

Вратен и третиот мандат за формирање влада, следат нови избори во Бугарија

Претставниците на партијата „Има таков народ“ (ИТН) денеска на бугарскиот претседател Румен Радев му го вратија третиот и последен мандат за состав на влада, што тој им го врачи, со што се отвора патот за закажување на вонредни парламентарни избори.

Мандатот што и беше врачен на ИТН беше последна шанса за формирање на редовна влада во рамките на Народното собрание, јавува Бугарското радио.

Претседателот Радев сега мора да одреди датум за предвремени парламентарни избори, откако три мандати за формирање влада му беа вратени.

Хрватска: Наполитанки Кит Кат повлечени од пазарот

Хрватскиот државен инспекторат ги повлече од пазарот наполитанките „Нестле Кит Кат мини“ поради присуство на минерални масла, соопшти Агенцијата за земјоделство и храна.

Се повлекува исклучиво „Несле Кит Кат Мини“ 200 г во кесичка серија 40580734, со рок на траење од 01.2025 година, пренесува Дневник.хр.

Производител е Nestle Deutschland AG, Франкфурт, Германија, а дистрибутер за Хрватска е Nestle Adriatic д.о.о. од Загреб.

Популарно