Почина малиот Арчи, симбол на борбата за живот

Арчи Батерсби, кој претрпе „погубно“ оштетување на мозокот, почина откако беше исклучен од апаратот за одржување во живот.

Неговата мајка Холи Денс стоеше пред болницата и рече дека е „најгордата мајка на светот“.

Таа рече дека Арчи беше„толку убаво момче и се бореше до самиот крај“.

- Толку сум горда што сум негова мајка - додаде таа.

Починал во 12:15 часот, изјави мајката на момчето.

12-годишното момче беше во кома откако неговата мајка го пронашла во несвест во нивниот дом во Есекс во април.

Лекарите кои го лекувале во болницата во Кралската болница во Лондон верувале дека кај момчето е настаната мозочна смрт и дека продолжувањето на одржувањето во живот не е во негов најдобар интерес.

Раководството на болницата тврдеше дека состојбата на Арчи е премногу нестабилна за трансфер и дека неговото преместување со брза помош во друга средина најверојатно ќе го забрза влошувањето што семејството сакаше да го избегне.

- Ова може да се случи дури и со целосна опрема за интензивна нега и персонал на пат - изјавија тие.

Родителите на момчето се бореа против одлуката на болницата да го симнат од машината, покренувајќи бројни правни предизвици за да му обезбедат постојана животна поддршка на нивниот син.

Тие инсистираа да не биде симнат од апарати за одржување во живот, велејќи дека срцето на момчето сè уште чука и дека ја држел мајка си за рака.

Родителите во вторникот ја загубија битката во Врховниот суд за продолжување на лекувањето.

Инаку неговата мајка верува дека сето ова се случило пради опасен „Тик Ток“ предизвик кој води до недостаток на кислород во мозокот, а кој Арчи го извел додека бил сам дома.

Маж во Илиноис уби четири лица и избоде петмина, нападот траел 20 минути

Четири лица загинаа, а пет се повредени во напад во Рокфорд, Илиноис, додека 22-годишен осомничен е уапсен.

Полицијата, исто така, соопшти дека некои од жртвите биле избодени, но не било употребено огнено оружје во нападот, пренесува CBN News Chicago.

Убиени се 15-годишно девојче, 63-годишна жена, 49-годишен маж и 22-годишен млад човек.

Шефот на полицијата во Рокфорд, Карла Ред, изјави дека загинале вкупно четири лица, додека еден од нив е тешко повреден. Четири лица се префрлени во болници, каде нивната состојба е стабилизирана.

Повиците до полицијата и итните служби дошле од повеќе страни додека нападот траел приближно 20 минути, а екипите набрзо биле на терен. Од полицијата истакнаа дека засега не е јасна причината за нападот.

Тинејџер во Германија ги заклал родителите и братот, од смрт ја поштедил сестра си

Деветнаесетгодишник со нож ги убил братот и родителите и тешко си ја повредил сестрата во Хохентенген на германско-швајцарската граница, соопшти државното правобранителство во сојузната покраина Баден-Виртемберг. 19-годишникот со нож ги убил родителите на возраст од 58 и 61 година, а потоа и 34-годишниот брат. Сестрата, чија возраст не е објавена, била повредена и со хеликоптер била пренесена во блиската болница. Таа наводно се здобила со сериозни убодни рани, но нејзиниот живот не е во опасност.

Инцидентот се случил вчера вечерта, соопштија од полицијата и од државното правобранителство. Осомничениот е уапсен. Според полициското соопштение, целото семејство живеело во куќата во која се случил масакрот. Убиецот има германско и италијанско државјанство. Мотивот за нападот се уште е нејасен.

Според информациите од државното правобранителство, 19-годишникот се товари за тројно убиство без умисла и обид за убиство, а во текот на денот треба да биде изведен пред судија кој треба да одреди мерка притвор.

Во истата област, пред два месеци, 32-годишен син ги убил своите родители, а на крајот и себеси

Ни трага, ни глас од 100 лица по масакрот од Москва

Деведесет и пет лица се уште се водат како исчезнати по минатонеделниот терористички напад во Москва, јавија денеска руските медиуми.

Официјалниот биланс на загинати во нападот во Crocus City Hall сега е 140 мртви и 182 ранети.

Порталот База, кој има добри врски со руските безбедносни служби, објави дека на списокот се појавиле уште 95 лица кои нивните семејства ги пријавиле за исчезнати.

Руските истражители велат дека акцијата ја извршиле четворица напаѓачи со калашникови. Пукањето започна непосредно пред рок групата „Пикник“ да настапи пред 6.200 гледачи.

Оттогаш руските социјални мрежи се преплавени со повици за помош во пронаоѓањето на исчезнатите.

Собрани во чат на Телеграм, пријателите и семејствата ги споделуваат имињата на луѓето кои сè уште се бараат и нудат поддршка еден на друг.

Популарно