НАСА ја мапираше водата на Месечината

Тим од научници со помош на податоците на сега веќе пензионираната летачка лабораторија SOFIA (Stratospheric Observatory for Infrared Astronomy), која всушност е „боинг 747 сп“ со телескоп, направи детална мапа од распореденоста на водата на Месечината.

Истражувањето објавено во списанието The Planetary Science Journal дава нов увид во движењето на водата на површината на Месечината и дава важни податоци потребни за идните мисии на НАСА од програмата Artemis, чија цел е испраќање на астронаути на лунарниот јужен пол.

Телескопот SOFIA претстана да се користи на крајот на 2022 година, главно поради проблеми со буџетот. Овој телескоп беше поставен во адаптиран „боинг 747“, кој леташе на висина до 12.800 метри, што значи дека се наоѓаше над 99,9% од испарувањето ан водата на Земјата затоа инако би се блокирале најголем дел од инфрацрвените зраци кои ги фаќа опсерваторијата.

Новата мапа е направена со помош на собрани податоци за 1/4 од површината на Месечината која е свртена кон Земјата под 60 географска ширина, вклучувајќи го и јужниот пол на Месечината.

„Кога ги гледме податоците за водата, всушност, можеме да ги видиме рабовите од кратерите, па дури и разликите помеѓу дневната и ноќната страна на планините благодарение на поголемата концентрација на вода на овие места“ вели Бил Рич, главен автор на истражувањето.

Со новите податоци научниците успеале да утврдат како водата е поврзана со специфични површински карактеристики на Месечината, како и како ги фаворизира поладните региони и се држи подалеку од сончевата светлина.

Ќе се бришат милиони сметки на Gmail

Ако имате неактивна сметка што сакате да ја зачувате, сè уште имате време да го сторите тоа.

Google уште во мај објави дека ќе започне со бришење на сметките кои се неактивни две или повеќе години.

Пред ова, компанијата би ја бришела само содржината зачувана на сметката, а не самата сметка. Промената би требало да ја зајакне безбедноста, бидејќи неискористените сметки се подложни на компромитирање.

Google соопшти дека бришењето ќе започне во декември 2023 година, што е само еден месец од сега.

Ако имате неактивна сметка што сакате да ја зачувате, сè уште имате време да го сторите тоа. Технолошкиот гигант го започнува процесот во фази, почнувајќи со сметки кои се креирани и никогаш повеќе не се користат.

Одлуката за бришење се однесува само на личните сметки, но не ги вклучува сметките од организации како што се училишта и бизниси. 

Ватсап наредниве недели овозможува два профила на еден телефон

За луѓето кои имаат приватен и деловен профил на „Ватсап“ или пак два профила од иста природа, наскоро нема да им требаат два мобилни телефона.

Апликацијата ќе им овозможи на своите корисници да имаат два профила на еден уред. Но, условот е корисникот да има два телефонски броја или мобилниот телефон да поддржува е-СИМ или двојна т.е. повеќенаменска СИМ-картичка.

Од „Ватсап“ велат дека сега веќе нема да треба да се одјавите од еден профил за да влезете во друг, туку ќе биде овозможен истовремен пристап до двата профила. За тоа се бира опцијата „Сетингс“ во апликацијата, се кликнува на стрелката до името и се бира „Додај профил“.

Секој профил има посебни поставки за приватност, па може да се избере примање известувања само од една сметка. Ова е полезно доколку корисникот е на одмор и не сака да добива пораки од работа.

Годинава претходно на корисниците им беше дадена можност да пристапат до еден профил од повеќе уреди. Новото ажурирање ќе пристигне на уредите со „Андроид“ наредниве недели.

Икс воведува опции кои корисниците долго време ги посакуваа

Социјалната мрежа Икс почна да ја воведува услугата за аудио и видеоповици. Опциите може да се најдат во делот „Поставки“ за „Директни пораки“, а новите функции може и да се исклучат.

Оваа новина во август ја најави извршната директорка Линда Јакарино, истакнувајќи дека ова е само чекор во еволуцијата на платфрмата кон тоа да стане „апликација за секого“, исто како што напомна и сопственикот Илон Маск.

Корисниците ќе имаат можност да изберат опција за одобрување повици само од одредени корисници, по избор.   

Популарно