Мажите се на двојно поголем ризик од каснување од кучиња отколку жените, откри новото истражување. Истражувачите од Универзитетот во Ливерпул, Англија, истражувале 694 лица во 385 домаќинства и исто така откриле дека анксиозните (возбудените) луѓе се на поголем ризик да бидат каснати од куче. Истражувачите сакале да откријат колку луѓе меѓу испитаниците биле гризнати од куче и дали била потребна лекарска помош, како и дали жртвата го познавала кучето, кое ги гризнало. Научниците ги мереле и аспектите на личноста на испитаникот, вклучувајќи емотивна стабилност, а едно од прашањата било дали жртвата чува куче. Резултатите покажале дека еден од четири испитаници биле каснати во минатото, а дека поголема е двојно веројатноста маж да биде гризнат од куче, отколку жена. Веројатноста куче да гризне личност, која има неколку кучиња е три пати поголема во однос на луѓето кои никогаш не чувале такво милениче, а половина од каснатите испитаници не ги познавале кучињата. Болничките податоци покажуваат дека стапката на гризнување на кучиња е 740 на 100,000 луѓе, но истражувањето над испитаниците покажале дека таа стапка е поголема од официјалната, поточно 1,873 на 100,000 луѓе. Еден испитаник од три кој претрпел гризнување од куче побарал медицинска помош, но само 0,6% од случаите биле хоспитализирани. Интересно е тоа што постои врска помеѓу личните карактеристики и ризикот на каснување од куче. „Иако ова беше мало истражување, резултатите даваат некаква слика за проблематиката при гризнување на куче и влијанието на јавното здравје“, изјавија истражувачите.