Во новата епизода на поткастот „На Каде Одиме“, зборуваме со Валентина Тасева – CEO и сопственичка на Semos Education, визионерка со децении искуство во неформалното образование. 

Разговараме за сè поголемото значење на неформалното образование во современиот свет, за зошто младите сè повеќе се насочуваат кон области како анализа на податоци и дигитален маркетинг, и како желбата да се направи промена често стои во коренот на секоја инспиративна приказна.

Валентина несебично споделува практични совети за личен и професионален развој, како и начини како преку континуирано учење, љубопитност и упорност, секој може да изгради кариера што има значење.

Оваа епизода е вредна за сите кои се стремат кон раст, промена и влијание – без разлика дали се на почетокот од својата кариера или веќе се на лидерски позиции.

Не пропуштајте – на YouTube и Spotify каналите на KARIERA.mk

По 7 години пауза од водителската кариера, Маја Поцевска повторно се враќа на малите екрани, но во малку поразлично издание со поткастот „Равенка за успех“. Нејзината идеа е преку опуштен  муабет, да ги дознае најважните одлуки и пресврти во животите на успешните личности, што е она од кое црпат најмногу инспирација и мотивација, но и како се справуваат со неуспесите и што тие сметаат за неуспех во нивните животи.

Гости во нејзиното студио ќе бидат најпознатите личности од естрадата, глумци, пејачи, водители, бизнисмени, спортисти, не само од Македонија, туку и од регионот. Преку овие поткаст интервјуа водителката ќе се обиде да дознае што е всушност успех, дали е успех да бидеш познат, да бидеш врвен експерт во она што го работиш или пак да си среќен со она што си го постигнал?

Досега се емитувани 3 епизоди на „Равенка за успех“. Сезоната ја отвори со Игор Џамбазов кој рече дека успех е и да се биде одличен готвач, шеф на оддел во фабрика или пак професор во средно училиште. Тој говореше и за своите издигнувања и падови, а откри и дека за неуспех го смета тоа што нема оформено семејство. 

Џамбазов: Во Македонија лесно се станува ѕвезда, но тешко се останува на врвот! Равенка за Успех Е01   

Во втората епизода гостуваа актерките Ана и Јана Стојановски, толку слични, а сепак навистина различни. Како ја избраа својата професија, како дојдоа до она што се денес, кои беа пресудни моменти во нивниот живот, а ги „чепнавме“ и за нивните успеси на љубовно поле.

 Иако сите добро ја познаваме Маја од нејзините телевизиски емисии, овој пат нејзиниот поткаст ќе се емитува само он-лајн, на YouTube каналот ZaSe Makedonija - YouTube.

Пуштете на вашиот телефон, таблет или телевизор и погледнете ја најновата епизода на Равенка за Успех со Маја Поцевска, премиерно секој понеделник во 20 часот. 

Равенка за успех, нов поткаст на zase.mk #podcast #ravenkazauspeh

Човекот на кого како награда од Господ му се падна да му биде дедо Петре Прличко, многу добро го познава секое населено место во Дојран, за себе ќе каже дека се уште се чувствува како да има 20 години иако не смета дека сега е привлечен за очи и уши. За него вистинскиот пријател е поважен во животот од се друго затоа што ако е вистински тој го имаш за цел живот, а љубовта час ја нема час ја има, ќе каже тој. 

„Откако ме отпишаа од планинарството тежок сум 107 кг“ рече Игор и отворено раскажуваше што се остана од големата љубов која ја опиша како филмска. 

„Јас имав нешто што во книгите го нема, таква врста на наплив, на љубов, на среќа, на страст... и од сето тоа останаа пар фотографии, неколку поетични размислувања, една песна и спот, но сепак остана нешто, нашето беше баш како на филм - ние сме во најголема љубов ама нема да бидеме заедно“

Скромноста на Игор е негова силна страна, тој за себе смета дека е личност со најмалку хејтери во Македонија, „Кога можев да одам на одмор на Малдиви 4 месеца јас одев во Пехчево на рибник, а во Дојран можам да живеам со 500 денари на ден“, раскажа тој.

Најконструктивна критика во животот ја добива од својата мајка која му рекла: „Тоа што луѓето те познаваат на улица не значи дека си добар глумец“, критика која многу му помогнала во животот. Го послушал и советот на својот дедо да не се појавува во телевизиските проекти „Македонски приказни“, а неговиот татко ги избришал броевите на сите автори што не дошле на неговата промоција на книга.

Не штедеше зборови за карактерот, за животот, квалитетите и за делата на неговата колешка и пријателка Весна Петрушевска, а за книгата „Гол човек“ призна дека му ги вратила сите пари што ги изгубил на коцка.

Специјалното издание на „Нешто конкретно“ со еден од најискрените соговорници досега, интервјуто со Игор Џамбазов, можете да го погледнете целосно на нашиот YouTube канал.