Ова се најчестите постковид симптоми

Иако се чини дека состојбата со пандемијата на КОВИД-19 е стабилна, здравствените работници укажуваат дека се повеќе фокусот на вниманието се поместува на последиците по прележан ковид. Најчести пост-ковид симптоми се јавуваат во делот на кардиоваскуларните болести, како и невролошките нарушувања.

На денешниот брифинг со медиуми во организација на Македонскиот институт за медиуми, на кој присуствуваа д-р Александар Петличковски, специјалист по клиничка генетика и претседател на Комисијата за заразни болести, д-р Гордана Китева-Тренчевска, специјалист невролог и научен соработник и Валентина Андова, специјалист кардиолог се дискутираше околу актуелните прашања поврзани со КОВИД-19, хроничните болести и вакцинацијата.

– Разговаравме за најчестите симптоми што се јавуваат по прележан КОВИД, а можат да траат со месеци, па веројатно и години и потенциравме на значењето на вакцинацијата во намалување на шансите на вакви симптоми, бидејќи во сите сериозни студии е јасно дека оние кои се вакцинираат поретко имаат долг ковид и симптоми што го отежнуваат животот по прележување. Помеѓу главните ризик фактори што можат да доведат до долготраен ковид се набројуваат тешка форма на КОВИД, понапредната возраст, женски пол и невакцинираност, вели д-р Петличковски.Д-р Андонова, специјалист кардиолог вели дека на Универзитетска клиника за кардиологија е зголемен бројот на пациенти во амбулантите. На дневна основа во амбулантите за преглед доаѓаат околу 400 пациенти, додека на дијагностичките методи се прават и до 150 прегледи дневно. Старосната граница, како што посочи станува се пониска и периодов доаѓаат и пациенти од 25 до 30 години, со сериозни кардиоваскуларни заболувања.

Додаде дека најчесто пациентите доаѓаат поради симптоми на замор, малаксаност, градна болка, отежнато дишење или пак срцебиење, а како пост-ковид синдроми најчесто се јавуваат дилатативна кардиомиопатија, лева и десна срцева слабост, аритмија, венски тромбоемболизам и воспалителни промени на срцето што се многу почести во однос на пред пандемијата.

– КОВИДОТ и пост-ковидот се ризични, но исто така ризик се и нездравите навики на живеење, тоа значи дека нивните навики на пушачи, дебелина, неправилен начин на живот, без физичка активност се голем ризик фактор за кардиоваскуларни заболувања на коишто нормално ние можеме да делуваме, апелираше д-р Андонова.Д-р Китева-Тренчевска од Клиниката за неврологија вели дека најчести пост-ковид што пациентите ги пријавуваат кај нив се главоболка, вртоглавица, епилептични напади, промени во функционирање на централниот нервен систем, деменција, проблеми со периферниот нервен систем.

– Овие пост-ковид заболувања ќе ги имаме зачестено бидејќи КОВИДОТ покажа дека ја менува хомеостазата, менувајќи ја циркулацијата, правејќи состојба на зголемена тромбоза, зголемување на мозочни удари, менувајќи го имунолошкиот одговор кога тој наместо да се сврти против вирусот се врти против сопствените структури во нервниот систем. Потребно е симптомите да се следат уште на почетокот за да може да се реагира на време, со цел последиците да бидат што помали од овие сериозни невролошки болести, вели д-р Китева-Тренчевска.Д-р Петличковски вели дека Комисијата за заразни болести ја следи состојбата со зачестените респираторни болести и вели дека е очекувано по олеснување на рестриктивните мерки.

– Апсолутно е причина за ново сретнување со малку подзаборавени вируси и од тоа што го гледаме тоа е очекувано. Во моментов навистина се исполнети педијатриските капацитети со пациенти со потешка клиничка слика. Не е загрижувачки, туку нормален тек по олабавување на мерките по ковид-пандемијата, додаде тој.

Ако во текот на денот почувствувате пад на енергијата, еве што да направите

Ако во текот на денот почувствувате пад на енергијата доволно е да земете лажица мед. Медот е природен шеќер кој обезбедува калории богати со минерали, особено со железо и цинк.

Медот е богат со јаглени хидрати, а најмногу со прости шеќери како глукозата и фруктозата кои претставуваат енергетски материјал.

Медот содржи витамини од групата Б комплекс, витамин Ц, натриум, калциум, фосфор и магнезиум. Го доведува организмот во рамнотежа, претставува енергетско закрепнувачко средство и во исто време влијае на нервниот систем и крвотокот. Затоа треба да го консумирате во случај на физичка и психичка исцрпеност, велат нутриционистите

Клучна состојка на медот се простите шеќери (моносахариди), моќен извор на енергија кои крвта ги апсорбира во изворен облик.

Во случај на хроничен замор и за време на закрепнување на долги болести, се препорачува да земате четири кафени лажици мед дневно, се додека не се чувствувате подобро. За полесни состојби на замор земајте по една кафена лажица наутро и една навечер – советуваат нутриционистите.

Утрински напиток од мед

За деца

Децата секое утро пред да заминат на училиште треба да испијат шолја млеко со две кафени лажици мед.

За возрасни

Сок од еден портокал, сок од половина лимон и една лажица мед да се разматат во два децилитри вода и наутро пред појадокот и кафето да се испие овој напиток. Повозрасните лица и оние кои имаат зголемен холестерол можат да додадат и една лажица јаболков оцет.

Студија: Една чаша дневно го намалува ризикот од срцеви заболувања

Една нова студија покажала дека пиењето чаша млеко секој ден може да го намали ризикот од срцеви заболувања.

Според најновите податоци од Центрите за контрола и превенција на болести (ЦДЦ), срцевите заболувања се водечка причина за смрт во САД, а најголемиот проблем е фактот што не е секогаш лесно да се открие дали вашето срце е изложено на ризик.

Затоа треба да направите се што можете за да спречите развој на срцеви заболувања, а најлесно е да промените одредени животни навики кои можат да го загрозат здравјето на вашето срце, пренесува Best Life.

Новото истражување на оваа тема открило дека пиењето чаша млеко секој ден може значително да го намали ризикот од развој на срцеви заболувања.

Студијата објавена во „International Journal of Obesity“ покажа дека консумирањето млеко на дневна основа може да биде многу добро за здравјето на срцето.

Студијата опфатила над два милиони испитаници од САД и Велика Британија, а истражувачите откриле дека оние кои пиеле барем една чаша млеко дневно имале 14 отсто помал ризик од развој на коронарна срцева болест отколку оние кои не пиеле млеко.

Редовното консумирање барем една чаша млеко дневно нема да ви го зголеми холестеролот, а според заклучокот на клиниката Мајо, високиот холестерол може да го зголеми ризикот од развој на срцеви заболувања. Иако претходно се мислеше дека млекото има значителен процент на млечен холестерол, па затоа не треба да го пиеме често, новото истражување покажа дека луѓето кои редовно пијат млеко имаат низок добар, но и низок лош холестерол.

Популарно