Од цената на овој парфем ќе ви се заврти во главата

Парфимерија од Емиратите тврди дека направила најскап парфем на светот. Се вика Shamukh и има цена од неверојатни 1.295.000 -еден милион и двеста деведесет и пет илјади долари за количина од три литри. Тие тврдат дека работеле на овој парфем три години и направиле 494 проби

Парфемот е спакуван во шише од Италјански кристал, украсен со златен сокол и арапски коњи, ружи и глобус. Има 3571 дијамант, бисери и два килограма 18 каратно злато и околу 5 килограми сребро. Креаторите со ова сакаат да ја раскажат приказната за Дубаи. Парфемот содржи мошус, турска ружа, индијски агар и друго, се уште не е познато кога парфемот ќе се појави на пазарот меѓутоа сега може да се види на изложбата во Дубаи Маллу до 30 март.

Овој парфем се придружи на листата на скапи парфеми, според Гинис засега најскап е парфемот Clive Christian No.1 Imperial Majesty  кој се појави на пазарот во 2005 година по цена од 205.000 долари за 500 милилитри. 

Во 2011 година се појави парфемот DKNY на Golden Delicious со цена од 1 милион долари, изработен беше од бело и жолто злато и пркериен со 2700 дијаманти и 183 сафири, за количина од 100 милилитри непознат купувач плати  1 милион долари кои беа наменети за хуманитарни цели.

Коментари

Популарно