Сешто се случува на таа развиканата, мегапопуларна “Песна на Евровизија“. Па, така, во мај месец, во Ротердам, Холандија, низ фестивалот ќе нè води трансродната ѕвезда Ники Туторијалс. Тоа ѝ е уметничко име, инаку е позната јутјуберка и се вика Ники де Јагер. Таа на Инстаграм става и свои интересни фотографии со кои ги предизвика обожаватели.
Јутјуб ѕвездата, ќе сними и посебно видео на Јутјуб зад сцената со музичарите кои ќе се натпреваруваат на Евровизија во Ротердам, меѓу кои и македонскиот претставник Васил Гарванлиев од Струмица. Би било интересно да слушнеме што би кажал Васил за Ники како водител/ка на фестивалот? А, Ники е вредна, таа воедно и ќе известува од црвениот тепих за време на церемонијата, како и во сите три емисии што ќе бидат во живо. Нејзе прв ја поддржал минатогодишниот победник Данкан Лоренс, но сите не биле за тоа, бидејќи не им е јасно зошто некој што е трансроден да го води овој популарен фестивал? Ники не се тревожи поради ваквите коментари, таа си го гледа својот пат. Се занимава и со шминкање на популарните личности, а однеодамна признала јавно дека е трансродна.