Во рекламата на „HiPP 3 Junior COMBIOTIC“ означува дека малите деца можат да ги задоволат потребите за витамин Д и калциум само доколку го јадат овој производ, што е апсолутна лага.

Со првостепената пресуда Окружниот суд во Минхен ја потврди тужбата на германската организација за потрошувачи VZBV против компанијата „HiPP“, добро познат производител на храна за бебиња. Според таа пресуда, на компанијата и се забранет нејасни изјави на етикетите и реклами за потребата на бебето за витамин Д и калциум, а со тоа и потребата да се консумираат формули од млеко.

Имено, во рекламата за „HiPP 3 Junior COMBIOTIC“ се вели дека децата со нормално балансирана диета не можат да ги задоволат потребите за витамин Д и калциум, додека со нивниот производ тоа го можат, што е многу проблематично тврдење.

Окружниот суд во Минхен пресуди дека ваквиот начин на рекламирање е погрешен и затоа е забранет.

Неодговорни тврдења

Кога станува збор за храна за бебиња, компаниите треба да бидат особено одговорни и да не ги доведуваат во заблуда потрошувачите со своите понуди во реклами, туку да ја стекнат својата доверба. Исто така, да вклучува јасни и недвосмислени информации за витамини, минерали и други хранливи материи, вели Сузана Аинсидлер, правен советник во VZBV, додавајќи:

Родителите не треба да мислат дека одредени производи се неопходни за исхрана и развој на нивните деца. На децата постари од една година обично не им треба посебна храна.

Прекршена регулатива

Окружниот суд во Минхен се согласи со организацијата VZBV дека „HiPP“ рекламирањето создава таков впечаток дека избалансираната и разновидна диета не може да ги задоволи потребите на децата за витамин Д и калциум – така што „HiPP COMBIOTIC производот е одлична алтернатива“. На официјалната веб-страница се наведува дека на детето му треба седум пати повеќе витамин Д од возрасен.

Во реалноста, сепак, според препораките на експертите, на децата не им треба повеќе витамин Д или калциум од возрасните. Со овие изјави компанијата ја прекршила Регулативата на Европскиот парламент и Советот за побарувања за храна и здравје, во која се вели дека побарувањата не смеат да бидат погрешни и не смеат да наведуваат, претпоставуваат или имплицираат дека урамнотежената диета не може да ги обезбеди потребните количини на хранливи материи.

Погрешно е и пакувањето

Германскиот суд, исто така, ги опиша информациите на пакувањето како погрешни, затоа што зборува и за истите потребите на детето како во горенаведената реклама. И на страницата на оваа компанија, која е наменета за балканскиот пазар, се истакнат овие погрешни информации. Компанијата „HiPP“ не се огласи во врска со пресудата на германскиот суд и досега не ги повлече спорните изјави.

извор: popara.mk