Доктор открива дека дека сувата уста и лошиот здив можат да доведат до лоши последици

Веќе научивме дека заштитните маски помагаат да се спречи ширењето на заразни болести, како што е вирусот Ковид 19, заштита за вас но и оние со кои контактирате. Овој тип на бариера помага во запирање на респираторните капки да се шират понатаму низ воздухот и да се пренесуваат на други луѓе, кога лицето кое носи маска кашла, кива, зборува или го крева гласот. Но, за тоа навистина да биде така, исклучително е важно маските редовно да се менуваат и да бидат чисти, бидејќи во спротивно нема да ја исполнат својата намена, а вашето орално здравје ќе биде загрозено.

„Користењето и носењето иста маска подолго време може да создаде несакани ефекти, како што се проблеми со оралното здравје. Некои од симптомите може да вклучуваат сува уста, лош здив, па дури и болест на устата. Тежината на овие симптоми е индивидуална, таа варира за секоја личност“, објаснува д-р Наташа Пејчиќ, доктор на медицински науки-стоматологија и ги открива најчестите последици од носењето валкани маски.

Ксеростомија или симптом на сува уста се јавува кога немате доволно плунка за да ја одржувате влагата во устата. Сувата уста не само што го отежнува јадењето, зборувањето и голтањето, туку исто така ги зголемува шансите за развој на кариес и други инфекции на устата.

Лош здив

Вашата исхрана, вашите навики за орална хигиена и сувата уста може да предизвикаат халитоза, попозната како лош здив. Подолгото носење и неменувањето на маската може да ја зголеми сувоста на устата, но исто така задржува непријатен мирис предизвикан од лоша хигиена на усната шуплина или консумирање храна, интензивен мирис на храна, како што е лукот.

Крварење на непцата

Ако забележите дека непцата ви се потечени или крварат, тоа може да биде знак на гингивит. Носењето нечиста маска може да влијае на видот и количината на бактерии во устата, што може да предизвика акумулација на плак на забите и – гингивит.

Како да ги спречите овие симптоми?

– Бидете сигурни дека носите заштитна маска, но важно е да е чиста или, доколку маската е за еднократна употреба, редовно да ја менувате.

– Фокусирајте се на рутинска нега на устата. Мијте ги забите два пати на ден, а еднаш чистете ги забите со конец или интердентални четки. Бидете сигурни дека користите соодветна техника за миење за чистење на сите делови на усната шуплина.

– Освежете ја усната шуплина помеѓу миењето на забите. Побарајте од вашиот стоматолог да препорача средство за испирање на устата што не ја влошува сувоста на устата и се бори против бактериите. На овој начин, можете да го освежите здивот и да се борите против бактериите помеѓу две миења на забите. Користете мастика за џвакање без шеќер исто така може да помогне во подобрувањето на лошиот здив.

– Грижете се за здравјето на забите и непцата. Ако забележите промена на бојата, болка, крварење или осетливост, консултирајте се со вашиот стоматолог.

– Контактирајте го вашиот стоматолог ако забележите какви било компликации во усната шуплина. Исто така, се препорачуваат редовни прегледи.

– Пијте вода во текот на денот за да спречите сува уста. Честата потрошувачка на алкохол и кафе може да предизвика дехидрираност, и треба да биде ограничена.

Коментари

Популарно