Откако во медиумите осамна дека Џенифер Лопез и Бен Афлек поднеле барање за развод, обожавателите на латино дивата и холивудскиот актер со нетрпение ги очекуваат официјалните вести.
По неколкумесечни шпекулации, потврдено е дека американската пејачка и актерка Џенифер Лопез и актерот Бен Афлек се пред развод. Пријателите на парот за „Daily Mail“ откриле дека парот повторно се обидува да се разведе откако пропаднал и последниот обид за помирување.
Додека медиумите со месеци шпекулираат за различни ситуации, ниту Џеј Ло ниту Бен Афлек јавно не ги коментирале гласините за својот брак или пак развод, пишува „Marca.com“.
Проблемите во нивниот брак веќе подолго време ги полнат медиумските колумни. Се пишуваше и дека ја ставиле на продажба својата луксузна вила во Беверли Хилс и дека за неа бараат вртоглави 68 милиони долари.
Така и најновата вест за поднесените документи за развод доминира на насловните страници.
Да потсетиме, холивудскиот пар ја обнови својата романса во 2021 година по речиси две децении, а се венчаа во 2022 година.
2024 година не беше добра година за браковите
Сè се чинело добро додека неодамнешните извештаи не сугерираа дека нивната врска се влошува, со неизбежна разделба на хоризонтот. Иако засега сè уште се заедно, сите се обидуваат да укажат на причините кои доведоа до пропаст на љубовта.
Старо интервју на „Cosmopolitan“ од 2005 година, неодамна откриено од „Cheat Sheet“, открива една од самопризнаените „непристојни“ навики“ на Џенифер Лопез.
„Мојата најлоша навика е што додека луѓето зборуваат, јас веќе размислувам за три други работи. Тоа е безобразно“, признала актерката.
„Понекогаш, доколку личноста е многу усогласена и забележи, знае да ми каже: ’Каде си во моментов?‘“.
Некои шпекулираат дека овој стар коментар би можел да фрли светлина врз актуелните проблеми на парот. Освен тоа, многумина веруваат дека презирот на Афлек кон папараците и медиумското внимание го оптоварува нивниот брак, повторувајќи ги проблемите кои довеле до нивното раскинување во 2004 година. Од друга страна, Џенифер го обожува медиумското внимание и истото воопшто не ѝ пречи!
