Царинските службеници на граничниот премин Блаце открија 36,4 килограми марихуана, една од најголемите заплени оваа година, соопшти директорот на Царинската управа, Бобан Николовски. Истовремено, на преминот Јажинце биле запленети 7.847 ленти лекови.

Николовски во присуство на претседателот на владата, Христијан Мицкоски истакна дека оваа акција е показател за зголемената дисциплина на службениците и нивната посветеност во борбата против криминалот. Заплените во последниот квартал се зголемени за 70% во споредба со минатата година.