Вчера на сервисната улица во кругот на АСУЦ „Боро Петрушевски“ во Скопје се случила сообраќајна несреќа каде било повредено едно лице.

Сообраќајката се случила во 07:50 часот помеѓу патничко возило „фолксваген поло“ со скопски регистарски ознаки, управувано од Ф.К.(51) од Скопје и мопед „априлиа“ со скопски регистарски ознаки, управуван од Џ.Љ.(60) од Скопје.

Од МВР велат дека во несреќата со тешки телесни повреди се здобил возачот на мопедот, констатирани во Градската општа болница „Св.Наум Охридски“.