Подгответе се Мурињо се врати

Еден од најдобрите тренери изминатава декада, португалецот Жозе Мурињо повторно ќе работи во Премиерлигата, тој потпишал четиригодишен договорот.

Мурињо е нов тренер на Тотенхем. Клубот утрово и официјално ја објави веста преку соопштение на клупскиот сајт. Португалецот го наследува Маурисио Покетино кој синоќа беше разрешен после одлука на Бордот на директори.

„Задоволни сме што можеме да објавиме дека го назначуваме Жозе Мурињо за тренер на тимот, со договор до крајот на сезоната 2022/2023. Жозе е еден од најтрофејните тренери на светот со 25 пехари. Ги има водено Порто, Интер, Челзи, Реал Мадрид и Манчестер јунајтед, еден од тројцата што освоиле ЛШ со два различни клуба, има три титули во Премиерлигата“ – се пофалија од Тотенхем.

Мурињо изјави дека е среќен што ќе работи во клуб кој има добро фудбалери и во првиот и во младинскиот тим, и клуб со пасионирани навивачи.

Драма со среќен крај, Македонија се пласира во елитната фаза од квалификациите

Голем успех на нашата млада репрезентација до 19. години, која избори пласман во елитната фаза од квалификациите за пласман на ЕВРО. Попладнево на ФФМ, Македонија со 3:0 го победи Луксембург и поради подобра гол разлика од БиХ заврши на втората позиција на табелата во Групата 11.

Интересно беше откако заврши мечот со Луксембург, нашите надежи се собраа на средината од теренот и заеднички очекуваа што ќе се случи во Ѓорче. Таму играа Англија и БиХ, беше 4:1 и босанците не смееја да постигнат гол, ни требаше таа разлика од три гола за Англичаните. По минута – две заврши тој дуел а потоа следуваше радост, еуфорија кај нашите момци.

Важна напомена е тоа што ние одигравме добро, ние победивме дури откако селекторот Горан Станиќ му даде шанса на Тошевски да биде стартер, кога го спои тандемот Тошевски – Воша.

Австрија Македнија 2:1

Во вечерашниот натпревар нашата фудбалска репрезентација официјално  ја испрати Австрија на Евро 2020. Со вечерашниот пораз од 2-1 на „Ернст Хапел“ во Виена на нашата репрезентација и останува во вторник против Израел со победа да се избориме и да се надеваме на третото место што би било најдобар пласман во историјата.

Десеткувани, без капитенот Горан Пандев, со низа дебитанти во тимот, Македонија и не можеше да очекува повеќе од пораз против фаворизираната Австрија, која се изнапромашува во првиот дел, а откако се задоволи со водството од два гола, нѝ дозволи да поиграме, па на крајот и да им дадеме гол во Виена.

За Македонија и официјално останува шансата за историски пласман на Евро 2020 преку мартовскиот бараж во Лигата на нации и полуфиналната пресметка со Косово, а потоа финалето ако го минеме северниот сосед.

Дека Австрија ќе победи стана јасно уште по седум минути игра, кога мајсторската аситенција на Конрад Лајнер ја искористи Давид Алаба за рутински да погоди за водство, најмногу и поради лошата поставеност на дефанзивната линија за офсајд замка.

Популарно