Почина сопственикот на РТВ Кис

Утрово после  кратко боледување, во својата 64-та година почина Злате Тодоровски, основач и сопственик на регионалната Радио и телевизија Кис од Тетово, еден од првите медиуми во самостојна Македонија која остави длабока медиумска трага, особено во Тетовскиот регион каде беше највлијателен регионален медиум со децении.

Тодоровски работеше и го водеше РТВ Кис речиси три децении, беше почитуван во јавноста и меѓу колегите, сидро на македонскиот дух во полошкиот регион, силен поборник за создавање и опстанок на Македонската традиција, култура и творештво кое без активностите на Злате и неговата РТВ Кис многу пати ќе беше доведена во искушение и потиснување. Погребот на Злате Тодоровски ќе се одржи утре, на 18 август, во неговото родно место во селото Жилче, тетовско.  

Просветните работници бараат повисоки плати

Од страна на Независниот синдикат за образование и наука (НСОН)  ја поздравија одлуката на Владата и Министерството за труд и социјална политика за зголемување на платата на вработените во градинките. Меѓутоа тие наведуваат дека платите на просветните работници се под просекот на просечната плата во државата,  бараат од Владата и од Министерството за образование и наука зголемувањето на платите на просветните работници да биде слично или исто како зголемувањето на вработените во градинките.

„Знаеме дека подолг временски период платите на наставниците стојат во место, освен едно мало зголемување што имаше претходната година од пет отсто. Во изминатиот период такви зголемувања речиси не постоеја, изјави потпретседателот на НСОН“, Енвер Ајдини пред просториите на Министерството за образование и наука.

Додаде дека најавеното зголемување на платите од пет отсто на просветните работници не е решение на проблемите во образованието. Тој посочи дека наставниците се на маргините на егзистенцијата и нивната мотивација во работата се намалува. Наместо наставникот да се насочи кон својот професионален и кариерен развој, како што рече, тој повеќе е насочен на тоа како да ги подмири сметките.

„Ние како наставници не можеме да ги мотивираме идните генерации да студираат и да станат наставници. Поради овој факт во последно време имаме недостиг на кадри, особено по предметите математика, хемија, физика итн. Во повеќе училишта поради недостиг на кадри се намалуваат работните часови по овие предмети, а можеби во некои училишта овие предмети и ќе се укинат зошто нема кој да предава“, рече Ајдини.

Информира дека НСОН е член на Конфедерацијата на синдикални организации и заедно со нив ги планираат идните чекори. Најави дека ќе пратат барање за средби во ресорното Министерство и со ресорниот министер.

8 лица загинаа во пожар во хотел

Според првичните информации најмалку 8 лица загинаа во пожар што избувна утрово во хотел во украинскиот град Одеса, соопшти украинската служба за вонредни ситуации.

Во соопштението се вели дека 10 лица се спасени во пожарот.

Пријавено е дека пожарот избувнал на вториот кат од хотелот Токио Стар.

65 спасувачи и 13 противпожарни возила се испратени на самото место, а покрената е истрага за утврдување на причината за овој трагичен инцидент

Популарно