Заев: Им покажав разговори на родителите на убиените деца, но не за убиства, туку за субвенции

Зоран Заев, денеска во изјава за новинарите во врска со случајот „монструм“ и сведочењета на родителите не убиените момчиња, кажа дека ги предал сите материјали кои ги имал.

- Ако побара судот да бидам сведок и да кажам се што знам, тоа ќе го направам бидејќи тоа ми е граѓанска должност. Сите материјали, не само оние за „Монструм“ коишто сум ги поседувал, се е предадено, истакна Заев, одговарајќи на новинарски прашања по прес-конференцијата во Владата за планираните инвестиции во комуналната инфраструктура.

На ова реагираше опозициската ВМРО ДПМНЕ, преку соопштение кое ви го пренесуваме во целост:

За да го одбрани својот коалициски партнер од кого му зависи опстојувањето на власт, денеска тврдеше дека Невзат Бејта со еден од обвинетите во случајот „Монструм“ разговарал околу ургенции за земјоделски субвенции.

Од друга страна, Зорица Наќевска, мајка на убиениот Александар во судот цитираше еден од разговорите кои им ги дал Заев во кој се велело: „Вечерва сонував еден многу лош сон како му ги врзав рацете на момчето, па плачев, па сега си велам да не се израдувам да не не сум го довршил тој никаквец“.
Ова дефинитивно не е разговор кој наликува на ургенција за земјоделска субвенција.

Кого штити и кого покрива Зоран Заев? Зошто продолжува да ги лаже и манипулира ожалостените семејства? Зошто ја потценува нивната мака и се обидува да ги убеди дека разговорот на Невзат Бејта и Фејзи Азири бил обичен случај на економски криминал околу ургенции за субвенции, а не дека е поврзан со грозоморното убиство?

Заев ја ветуваше вистината за случајот „Монструм“, но после 11 месеци откако тој е премиер единствена новина е тоа што обвинетите се најдоа на слобода токму како што се бараше во Тиранската платформа. Виновници зад решетки за грозоморното убиство нема, а Заев не чувствува ниту потреба да ургира кај неговиот косовски колега Рамуш Харадинај за екстрадиција на Алил Демири и Африм Исмаиловиќ.

Станува се појасно дека правда за семејствата на егзекутираните момчиња ќе има само кога Заев ќе замине од власт и ќе ги ослободи институциите.

Центар за комуникации на ВМРО-ДПМНЕ

ВИДЕО: Пола Скопје вози пијано!

Министерството за внатрешни работи синоќа од 23 до 5 часот изутрина спроведе акциски контроли на подрачјето на СВР Скопје со цел откривање и санкционирање на возачите кои управуваат возила под дејство на алкохол.

Портпаролот на МВР, Тони Ангеловски, информираше дека вкупно се контролирани 1.234 возачи. „726 возачи се алкотестирани и кај 248 од нив е утврдено присуство на алкохол над дозволеното. Констатирани се и други 252 прекршоци“, рече тој.

Ангеловски најви дека Министерството за внатрешни работи ќе продолжи со вакви акции и во наредниот период, особено на територијата на Скопје. „Набавени се нови 80 дрегери за проверка на алкохол кај возачите. Апелираме до граѓаните да ги почитуваат сообраќајните правила и прописи за да ја зголемиме безбедноста во сообраќајот на патиштата“, рече Ангеловски.

ВИДЕО: Кавгата меѓу наставничката и возачот кои ги оставиле двајцата ученици заради доцнење

Канал 5 објави екслузивна аудио снимка од расправијата меѓу наставничката и возачот на автобусот, околу тоа дали треба да ја продолжат екскурзијата без двајцата ученици кои доцнеле. "Не ме задевај ме прекипе веќе. И таму немаше и така место за тие деца требаше да останат и сега што е проблемот сега...

Погледнете:

-Прв пат по четири дена ти се обраќам.

-Четири дена ви се обраќам, никој не станавте да ги смирите вашите деца.

-Нека ти служи на чест. Не дојдоа две деца, кој е одговорен сега. Кој одговорен? 

-Две од твоите деца сабајле каснеа и не дојдоа, нема што да чекам. Тони вчера пола саат. Ете твоите не дојдоа, е добро е те не ете ги. Се бунев ли, ете ги оставивме и готово. Не ме задевај ме прекипе веќе. И таму немаше и така место за тие деца, требаше да останат и сега што е проблемот сега. Реагирав дека во другите автобуси има место, не сме овци овде"

Популарно