Нема крај на нападите врз медицинските работници

Вчера во полициската станица бил пријавен физички напад што се случил на комплексот клиники „Мајка Тереза“.

Случајот го пријавил 61-годишен Кумановец со иницијали Ж.Ј., кој пред полициските службеници кажал дека околу 10.20 часот, додека извршувал службени задачи на скопската клиника, физички бил нападнат од едно лице.

МВР во дневниот билтен наведе дека се преземаат мерки за расчистување на случајот.

Најмалку 49 повредени лица од земјотресот во Албанија

Најмалку 49 лица се повредени во силниот земјотрес што попладнево ја погоди Албанија и предизвика вознемиреност во речиси сите држави во регионот. Епицентарот на потресот беше на длабочина од 10 километри во Јадранското море и според инструментите на Европската сеизмичка опсерваторија беше со интензитет од 5,8 степени по Рихтеровата скала. Според албанските сеизмолози, денешното тресење на тлото е најсилно во земјата во последните 20-30 години.

Албанските медиуми, пак, пренесуваат за сериозни оштетувања на зградата на Рударскиот факултет во Тирана како последица на силниот земјотрес. Сериозното трепење на тлото најпрво доведе до оштетување на ѕидовите на објектот по што и целосно се урнаа. Тотално се уништени и два автомобила што беа паркирани во дворот на факултетот.

Таа бара „снимките“ да не се користат „против“ Јанева

Ирена Фрчкоска-адвокатката на Катица Јанева во нејзиното гостување во емисијата „360 степени“ изјави дека ќе бара снимките на Орце Камчев да не бидат користени како докази, бидејќи се прибавени на нелегален начин.

–Сега ќе треба да видиме дали тие снимки ќе можат да се користат како докази во постапката, бидејќи се прибавени на нелегален начин. Не може како „бомбите“ кои се користат како докази, бидејќи тие иако беа прибавени на нелегален начин, беа озаконети со Законот за специјално обвинителство. А, овие снимки се третираат како докази прибавени на незконит начин и како такви треба да бидат издвоени во постапката, изјави Фрчкоска на гостувањето во емисијата „360 степени“.

Според неа е спорно и што во образложението за разрешување на Јанева се користи терминот „незаконито дејствие“.

–Јас очекував да ја разрешат од функцијата специјален јавен обвинител. Спорна е одлуката со која таа е разрешена од функцијата јавен обвинител во Гевгелија и како тоа беше поистоветено со разрешување од специјален обвинител. За мене е спорна употребата на терминот „незаконито дејствие“, бидејќи тоа се одредува само со судска пресуда. Ниту Советот на јавни обвинители, ниту Парламентот не можат да утврдат незаконитост, вели Фрчкоска.

Популарно