По 12 години борба со стерилитетот брачна двојка од Тетово доби тројка

Катица и Живко Угриновски битката со стерилитетот ја добија со раѓањето на Лука, Лана и Леон. Тишината и тоа што немало кој да растура по дома ги мачеле 12 години. Но тоа се промени пред 12 дена Тројна радост и среќа за мама и тато, круна на нивниот успех, радост и за медицинскиот тим во првата приватна општа болница „Ре-Медика“, пренесува Нова Македонија.

trojka-500

Во домот на Катица и Живко Угриновски од Тетово конечно има врева. Тишината и тоа што, како што велат, нема кој да растура по дома ги мачеле 12 години. Толку години се борат со стерилитетот. Битката ја добија пред 12 дена, со раѓањето на Лука, Лана и Леон. Тројна радост и среќа за мама и тато, круна на нивниот успех во битката, радост и за медицинскиот тим во првата приватна општа болница „Ре-Медика“. Лука веќе е дома, а Лана и Леон се во стабилна состојба, но сѐ уште им е потребна поддршка од лекарите и од сестрите во болницата. Наскоро и тие ќе им се придружат на братчето и на родителите.

Дечињата се родени во 34-та недела од бременоста (1,9 килограм, 1,7 килограм и 1,5 килограм). Катица останала бремена со 14-тото инвитро, или вештачко оплодување.

- Пресреќни сме. Неколку години сме пациенти тука. Нашата борба беше долга, имавме неуспеси. Но успеавме да издржиме. Најблиските, доц. д-р Зоран Петановски и медицинскиот персонал не дозволија да ја загубиме волјата. Имаме и слога и љубов. Сега имаме и три сонца - вели триесет и двегодишната Катица.

Живко и Катица одлучиле имињата на децата да им почнуваат на иста буква. Таа се надевала дека ќе успее да издржи подолго со бременоста, но се покажало дека во 34-та недела е време за царски рез.

- Во седум часот прво го видов Лука, за една минута Лана, а за две Леон. Лука плачеше доволно силно за да се опуштам, да ми олесни, а морам да кажам дека Лана беше уште погласна. Кога го слушнав и Леон, на среќата ѝ немаше крај - раскажува Катица.

Живко не знаел дека сопругата се породува.

- Ми се јави, ми вели дека се породила, а јас збунет прашав кој се породил. Веднаш дојдов во Скопје да си ги видам и сопругата и децата. Инаку, оплодувањето се случи на празник, на контролата кога дознавме дека Катица е бремена исто така беше празник, а и се родија на празник, на Иванден - вели Живко.

Домот во Тетово е веќе подготвен за дечињата, а на родителите има кој да им помогне.

- Борбата е голема. Стресот исто така. Но нема ништо повредно и поскапо од децата - велат родителите.

Д-р Зоран Петановски, шеф на Центарот за асистирана репродукција во „Ре-Медика“, вели дека во долгогодишната, 20-годишна работа не сретнал луѓе со толкава енергија за да успеат и покрај толку неуспеси.

- Случајот ни беше предизвик поради патологијата, но ние сме елитен центар од кој се очекуваат вакви резултати. Мене ме воодушеви желбата на двојката за деца покрај толку неуспеси. Нивната приказна е приказна за болката, тагата и за очајот, но и за исконската желба во тие моменти да не се предадете и да одите повторно напред. Во мојата долгогодишна кариера не сум сретнал луѓе со толкава енергија за да успее по толку неуспеси и со толкава храброст. Тоа го покажаа и во моментот кога одлучија да ги задржат сите три плода и покрај мојот предлог да направам ембриоредукција на едниот плод. Затоа оваа приказна нека биде порака. Неуспехот боли, но полошо од неуспех е да се предадете - додава доц. д-р Петановски.

„ДВИЖЕЊЕ ЗА ИЛИРИДА“ СО ПРЕДЛОГ ЗА ИМЕТО: Сепаратистичко албанско движење во Македонија бара земјата да се преименува во „Балканска Федеративна Република“

Продолжуваат провокациите од разни албански националистички и сепаратистички групи во Македнија, кои го користат моментот на нарушена заштита на државните интереси да ја промовираат својата политичка агенда во своите средини

Порталот на албански јазик ИНА објави краток текст лиферуван од одредена група која делува во Македонија, наречена „Движење за Илирида“ во кој се нуди „решение“ за проблемот со името. Според текстот се бара Македонија да се преименува во „Балканска Федеративна Република“.

Движењето за Илирида, политичко движење сега веќе малку познато во Македонија излезе со предлог за новото име на Македонија.

“Бараме од релевантните меѓународни фактори, кои имаат мандат од ООН за да го решат спорот за преименување на името Р. Македонија. Новото име да рефлектира со реалната територијална компактност: Балканска Федеративна Република“, се вели во соопштението испратено до медиумите.

Според овој предлог, со овој план ќе има две федерални единици: Република Македонија и Република Илирида.

“Со овој чин на преименување ќе се избалансираат двата составни етнитети на оваа нова држава, ќе се изгаснат внатрешните поларизации и конечно да започне посакуваниот економски развој за цела земја, со нормален животен стандард за достоинствен живот. Веруваме дека овој предлог ќе биде поддржан од сите граѓани на на Република Македонија. Еднаш за секогаш да се стабилизира Балканот, од хегемониските аспирации“, велат од Движењето за Илирида.

Ирена Ристиќ: Тунтев НЕМА автомобил! Како направи 3.843€ патни трошоци за 4 месеци?!!!

Актерката Ирена Ристиќ вчера на својот ФБ профил, повторно удри по пратениците и високите патни трошоци.

- Понеделничка тема, како и секогаш, драги гледачи, се патните трошоци!

Пратениците:

- Ванковер Манчев

- Бранко Маноиловски

- Нада Ципушева 

- Магдалена Манаскова

заедно земале 18.000€ (нешто над милион денари) за патни трошоци/користење приватен автомобил за службена цел. Демек службена цел.

Притоа, Антикорупциска вели дека овие четворица немаат автомобили! 

Значи, НЕМААТ АВТОМОБИЛИ!! 

Прашањето чии автомобили возеле, останало без одговор!!!

Аналогно на тоа, они не се ништо друго туку обични ЛОПУЖИ!!!

Парите назад, стоко!!!

ВИДЕО: Вака ЛАЖЕ советникот во министерството финансии

Минатата година Бранимир Јовановиќ го критикуваше прагот од 1 милион денари годишно за станување даночен обврзник и плаќање ДДВ.

– Со тоа се оданочуваат оние што остваруваат мал промет т.е. сиромашните, со цел да се наполни буџетот, вели Јовановиќ во март минатата година.

Оваа година бранејќи ја одлуката физичките лица кои остваруваат промет над 1 милион денари да плаќаат ДДВ изјави дека тие спаѓаат во најбогатите 1 отсто од граѓаните.

– Нема никаква промена во изминатиов период. Со оваа обврска не се даночат сиромашните, туку најбогатите 1 процент од луѓето, вели Јовановиќ сега.

Тој во неговата изјава дадена оваа година исто така истакна дека целта на мерката не е прибирање пари за буџетот, иако лани го тврдеше спротивното.

Популарно