Легендарниот Ларс Кристијансен кој работи како стручен коментатор верува дека дуелот меѓу Хансен и Лазаров може да биде потиснат во втор план заради веќе исполнетите цели на данците. Сличен е ставот и на нашиот „крвник„ од Белград, Ханс Линдберг, кој веќе мисли на осминафиналето. Но сепак тоа се скандинавци и калкулациите кај нив не играат голема улога. Така селекторот Вилбек им ветил на исланѓаните дека ќе игра на победа и тоа ќе го испочитува до крај. И Хансен покрај потеченото колено потврди дека редовно ќе игра утревечер и дека нема да влијае ништо на неговата партија против Македонија. Звездата на ПСЖ и Лазаров утринава се сретнаа во хотелот „Барсело Ренасименто„ и разговараа за наредниот нивни дуел. Последниот, на мечот Атлетико Мадрид - Копенхаген во полуфиналето на Фајнал-Фоур во Келн минатиот мај му припадна на македонецот, кој со 11 гола го одведе својот тим во финалето.