Натпреварот за Мис на Германија е актуелно од 1927 година, но од минатиот викенд многу работи се поинакви, а историјата е одново испишана...Титулата ја понела Леона вон Хас, која во победничкиот говор меѓу другото рекла и кратка реченица која е во контекст со тоа што токму таа ја земала главаната награда.
„Ова е ноќ на силни жени“ истакнала најубавата Германка, која има 35 години, а победила, верувале или не, во конкуренција со дами на возраст до 18 години.
Таа е најстарата мисица во историјата на ова 93-годишно постоење, односно прва мајка на која тоа ѝ тргнало од рака.
Зеленооката убавица истакнала дека сака да ја симболизира модерната жена од 30 години, која ќе покаже колку вредат самоувереноста и самостојноста.
„Женственоста не се дефинира со облека. Не ми се потребни фустани за да ја изразам својата женственост“, нагласила таа и додала дека најдобро се чувствува во панталони.
Инаку, овогодинешниот натпревар за МИС во Германија не бил специфичен само по победничката, туку и по тоа што во жири седеле само жени.
А, уште поголемо изненадување било што немало ревија во костими за капење. Натпреварувачките се покажале во вечерни фустани и лежерна облека, со високи потпетици, но и во лежерни чевли без високи потпетици.
