50 Сент рече дека одењето на забар му било полошо од пукање во лице

Американскиот рапер 50 Сент во шоуто на Хауард Стерн рече дека одењето на забар било полошо за него отколку куршум во лице. Раперот во 2000 година беше застрелан девет пати во Квинс. Доби куршум во рака, нога, гради и лице, а му беа и нозете скршени. Мина 13 дена во болница, по што целосно се опорави.

Иако прими девет куршуми, во емисијата рече дека постои нешто и многу поболно од тоа.

„Не знам како да објаснам. Не болеше толку колку посетата на забар, кога лечев корен на заб“, рече 50 Сент. За потсетување, напаѓачот пукал во раперот затоа што бил платен за тоа, а 50 Сент рече дека тоа било несреќен случај и дека тој настан не му дал уличен кредибилитет.

Кејт го стави ѓерданот од 15 милиони долари, што последен пат го носеше принцезата Дијана

Принцезата од Велс, Кејт Мидлтон ги воодушеви обожавателите на британското кралско семејство со својата модна комбинација во која пристигна на наградите Earthshot 2022 година во Бостон.

Таа носеше зелен фустан со долги ракави од Solace London, кој го позајми од платформата за изнајмување Hurr, пишува Page Six.

Таа ја пуштила косата и го комплетира аутфитот со блескави обетки и добро познато парче кралски накит. Таа носеше ѓердан од смарагд и дијамант што често го носеше принцезата Дијана.

Блескавиот смарагден ѓердан на кралицата Мери не е виден во јавноста по смртта на принцезата Дијана, покојната свекрва на Кејт, пишува Page Six. Ѓерданот е создаден со „редизајн на ѓерданот од смарагд и дијамант кој ѝ бил даден на кралицата Мери за време на Делхи Дурбар во 1911 година“. Се верува дека ѓерданот вреди повеќе од 15 милиони долари.

Изгледа дека со својата зелена модна комбинација Кејт сакала донекаде да го пресоздаде стајлингот на Дијана, кој го носела за време на нејзината државна посета на Малезија во 1993 година, кога го искомбинирала ѓерданот со зелен фустан.

Канје Вест повторно исфрлен од Твитер

Во петокот Твитер повторно го суспендираше профилот на американскиот рапер Канје Вест поради кршење на правилата на платформата за социјалните медиуми.

„Дадов се од себе. И покрај тоа, тој повторно го прекрши нашето правило против поттикнување насилство. Профилот ќе биде суспендиран“, изјави сопственикот на „Твитер“, Елон Маск.

Пред да го суспендира профилот на Вест, Твитер го ограничи и бројот на негови објави.

Во октомври популарниот рапер, кој законски го смени своето име во Је, начелно се согласи да ја купи социјалната мрежа Парлер, само неколку дена откако Твитер и Инстаграм му го суспендираа профилот поради неговите антисемитски коментари на социјалните мрежи.

Меѓутоа, двете страни се договорија да се откажат од купувањето.

Вест беше широко критикуван откако даде серија отворени антисемитски изјави во последните недели, вклучувајќи го и пофалувањето на Хитлер во телевизиско шоу.

„Сакам сè. Завршив со класификациите. Секое човечко суштество има нешто вредно да донесе на масата, особено Хитлер. Не ми се допаѓа зборот ‘зло’ покрај нацистите. Ги сакам Евреите, но ги сакам и нацистите“, рече раперот за време на интервјуто.

Популарно