Пејачката Весна Писаровиќ пред 20-на години уживаше во својата популарност ширум регионот. Таа исто така имаше свои многубројни хитови, како на пример песната „Да знаш“, но на големо изненадување на сите таа одлучи да се повлече од пејачката естрада.
Весна е родена во Брчко. Првиот албум го објавила во 2000 година, а во 2002 година ја претставуваше Хрватска на Евровизија, додека пак во екот на својата слава одлучи да направи пауза од својата музичка кариера.
Пред 12 години таа се венчала со Озрен Пуповац, син на хрватскиот политичар Милорад Пуповац и со него се преселила во Берлин. По извесно време се вратила на музиката, но се посветила на друг жанр - џезот.
„Можам само да кажам дека не жалам за ништо поради оваа радикална промена - одлуката да создавам џез музика. Без оглед на трнливиот пат и долгогодишните промени, разни жртвувања и секојдневни дисциплини, всушност тоа непрекинато ме исполнува“, изјавила Весна за српски „Блиц“ која што во месец април годинава ќе наполни 43 години.
