Знам дека ќе се сретнеме повторно еден ден, но во моментот сакам само да го гушнам. Почивај добро Ј., сите те сакаме многу, напиша модниот дизајнер Кристијан Сиријано на социјалните мрежи.

Моделот Џереми Рулеман почина на 27-годишна возраст, а причината за смртта засега не е позната.

Модниот дизајнер Кристијан Сиријано сподели серија фотографии од него и Џереми заедно на „Инстаграм“.

„Никогаш не сум објавил вакво нешто, но навистина е тешко да изгубиш пријател, кој беше толку убава душа. Ова е за Џереми, најубавиот човек, кој им дал толку многу љубов на сите што ги сретнал, без разлика на сè“, напиша Сиријано и додаде дека Џереми бил една од неговите музи и секогаш ќе биде.

Во својата најнова објава на „Инстаграм“, Џереми позира за снимањето на Томи Хилфигер.

Инаку, Џереми бил роден во Њу Џерси. Студирал психологија пред да почне да се занимава со манекенство во 2017 година. Многу пријатели се простија од Рулеман на социјалните мрежи.