На 19.11.2024 во 15.20 часот во Полициската станица Кочани, од Итна медицинска помош било пријавено дека кај нив со повреди бил донесен малолетник од Кочани.

Според пријавеното, во Кочани тој бил нападнат од друг малолетник, кој употребил остар предмет и му нанел убодна рана. Во врска со настанот, со малолетникот бил извршен службен разговор во присуство на родител.

По целосно расчистување и документирање на случајот, ќе биде поднесена соодветна пријава.

На 20.10.2024 во семејниот дом во гостиварско, пријавениот се обидел со секира да ја нападне неговата сопруга.

Надворешната канцеларија за криминалистички работи Гостивар поднесе кривична пријава против Р.Ѓ.(54) од с.Леуново поради постоење основи на сомнение за сторено кривично дело „загрозување на сигурноста“ во врска со семејно насилство.

На 14.11.2024 во 14.20 часот во СВР Скопје било пријавено дека во домот на подрачјето на Центар бил пронајден починат А.С.(53) од Скопје.

Лекар од Итна медицинска помош констатирал смрт, а по наредба на Јавен обвинител телото на починатиот било дадено за обдукција.