Дејан Миличевиќ во емисија за прв пат проговори за непознати детали од неговиот приватен и деловен живот.

Тој се присети на својот живот во Македонија и на немилиот настан што му се случил на врвот на кариерата.

За помалку од еден час, сè што заработил, го снемало.

-Луѓето повеќе ме повредуваат приватно отколку професионално. По 10 години во Македонија, за 40 минути ми го испразнија целиот стан. Имав камери, опрема за монтажа, добро работев и заработив убав капитал, вложив се. Се од станот што ми беше украдено, беше однесено на Косово и распродадено, а секако дознав многу подоцна. Тоа беше голем стан во Скопје, а блинд вратата не беше насилно отворена, што е многу интересно, туку беше отклучена. Излегува дека некој еднаш ми го зел клучот и направил нов… Не сакам веќе ни да размислувам за тоа. Очигледно, сè мораше да се случи на тој начин. Не ми оставија ни долна облека. Дури и рутерот го земаа со себе, веројатно за да ми кажат дека не сум добредојден, рече Дејан.

Потоа даде изјава која сигурно ќе навреди некого во Македонија.

-Кога гледам на Википедија дека пишува дека имам македонско потекло, полудувам затоа што немам ништо со Македонија освен што живеев таму 10 години. Еден прекрасен човек, Бранислав Јовановиќ ми понуди да живеам со него и да работам со него додека не застанам на нозе. Секоја вечер на моите најблиски им испраќав цигари, лекови, облека, се што им требаше додека траеше бомбардирањето. После се, ми останаа двајца пријатели во животот и за тоа сум му благодарен на Бога. Тоа што издржав на сцената 30 години и што изгледам вака божествено е награда од универзумот затоа што секогаш се трудев да помогнам и да бидам максимално коректен, рече Миличевиќ.

Откри што никогаш нема да заборави.

-Не е се така мрачно… почнав од нула, никогаш нема да ги заборавам актерката Весна Петрушевска и нивната пејачка Верица Пандиловска, кои веднаш ми пријдоа на помош во периодот на бомбардирањето, а тоа ќе го паметам додека сум жив, изјави Дејан.