Провалници упаднале во куќата на познатата двојка Том Хенкс и Рита Вилсон во Лос Анџелес. Крадците го скршиле стаклото и влегле во гостинската куќа на нивниот имот, пренесува „Ти-ем-зи“.

Наводно, инцидентот се случил во текот на денот додека сопружниците биле надвор од градот, а алармот кој се активирал од скршеното стакло не бил доволен за да ги спречи крадците да влезат внатре.

Хенкс и Вилсон не се единствените жртви на големиот пораст на кражби во и околу Лос Анџелес. Неодамна слично нешто им се случи на раперот Бад Бади, актерката Сара Хајланд и актерот и комичарот Марлон Вејанс.

Да потсетиме, Том Хенкс и Рита Вилсон се едни од најдолговечните холивудски парови. Тие ја прославија 36-годишнината од бракот во мај, а по тој повод актерката сподели фотографии со својот сопруг.

„Остари со мене, најдоброто допрва доаѓа“, напиша таа, цитирајќи го Роберт Браунинг во описот на фотографиите.