Познатиот македонски водител, Зоран Василевски, а македонската јавност го знае како Зоки Фаци, се бори со голем тумор на мочниот меур, но во изминатите три години поминал многу во борбата за неговото здравје. Пред три му бил дијагностициран агресивен вид на канцер кој бил во вид на израсток на ногата, по што му се направени две операции и бил подложен на хемотерапии.

Сега, откако неговиот пријател и колега Стефан Лазаров објави повик за донации за уште една операција која чини 15.000 евра, во изјава за Фокус, Зоки Фаци вели дека трогнат од сета поддршка која ја добива.

– Трогнат сум од сите пораки, од сите желби за добро здравје, од гестовите на сите оние кои несебично веднаш ми пружија поддршка и донираат за моето лекување. По две децении на шоу биз сцената, како новинар за кого често се кажуваше дека е контроверзен, ова кое денес се случува, мене ми е показател дека луѓето ме сакаат. Благодарен сум на таа љубов која ја добивам, многу ми значи во овие моменти – изјави Зоки Фаци за „Фокус“.

Вели дека операцијата на мочниот меур е итна и дека најверојатно ќе ја во приватна клиника кај нас или пак во Турција, каде што веќе правел испитувања.

Ако и вие сакате да донирате можете да го направите тоа на оваа сметка

Сметка за донации: 

210501595513764

Назив : Зоран Василевски

Или со картичка од дома на следниот ЛИНК