Адвокат е жртвата на пукотницата на паркингот кај Мавровка, дознава и пренесува „Press24“.

Според неофицијални информации, ликвидацијата се случила пред очите на неговата сопруга. Адвокатот клекнал на колена, но сепак сторителот испукал еден куршум во неговата глава.

Извори на порталот неофицијално велат дека сторилите им се познати на службите. Полицијата веќе фатила еден, а по другиот сѐ уште се трага.

Убиството се случи околу 10 часот на паркингот кај Мавровка. На терен се полициски службеници кои го обезбедуваат просторот. Неофицијално, пукано било и врз полициски службеник по што почнала потера по сторителите.

Ова е втора пукотница во Скопје за помалку од 24 часа. Вчера вечерта во Сингелиќ пукано беше од возило во движење, а едно лице со повреди беше однесено во Клиничкиот центар. Засега не се знае дали има поврзаност меѓу двата случаи.

Се чекаат и МВР и Јавното обвинителство да излезат со детали за денешното убиство