Лидерот на картелот кој се занимавал со трговија со хероин меѓу Иран и Западна Европа е уапсен во меѓународна операција, соопшти денеска Европол.

Осомничениот, 57-годишен турски државјанин, кој е уапсен во Албанија, е поврзан со запленувањето на 703 килограми хероин во Хамбург, кој бил скриен во контејнерска пратка со сапун од Иран. Тој ќе биде екстрадиран во Германија, каде што ќе се соочи со обвинение за организирање на големо количество на увоз на хероин во Западна Европа. Истрагата ја спроведоа германските власти со поддршка на Холандија и Европол, пренесува Танјуг.

Европол обезбедува разузнавачка поддршка за оваа истрага од април 2022 година, што резултираше со создавање на Оперативни оперативни сили (ОТФ) за борба против трговијата со хероин во Европа.