МВР со детали за авионската несреќа: Најдени метална електронска кутија, мобилни телефони, на местото на падот на авионот

МВР, односно полицајците од Полициската станица Петровец кои заедно со мештани од селото Кожле кои го најдоа патничкиот авион „PAJPER PA 34“, што вчера падна кај селото Кожле, општина Петровец пронашле делови од авиoнот, крило со еднo тркало, метална електронска кутија, два мобилни телефона, билети за патување и една италијанска патна исправа .

air3

Министерството за внатрешни работи соопшти дека стручна екипа составена од Јавен обвинител, претставници од Судска медицина, истражители од Комитет за истражување на воздухопловни несреќи и сериозни инциденти, како и полицајци денеска се на местото на несреќата каде се врши увид, и идентификација на починатите лица, со цел обезбедување на докази на причините за авионската незгода и смртта на шестмината патници.

Екипите тргнале на местото на несреќата околу 6 часот утрово, но поради лошите теренски услови пристигнале во 10 часот, а во 10:30 часот започнале со обезбедување на локациите за крим-техничко одбележување на трагите.

Губењето на авионот го пријавил дежурен полициски службеник од РЦ за ГР „Север“ во Единицата за известување и команда при СВР Скопје во 17:36 часот.

Според првичните информации од Контролата на летање известено е дека авионот бил приватен од типот „PAJPER PA 34“ со германски регистарски ознаки и дека истиот полетал од Тревизо, Република Италија, а крајната дестинација му била Приштина. Над Република Македонија требало да изврши прелет и бил пријавен на Аеродромот „Александар Велики“ во Скопје за дополнување на гориво.

По еден час, жител на село Кожле во СВР Велес пријавил дека во атарот на селото слушнал експлозија.

Авионот беше пронајден околу 20 часот од страна на полицајци од Полициската станица Петровец и мештани од селото кај местото Јеловица.

„Веднаш по известувањето во 18:45 часот е активиран Одделот за специјални полициски операции, од каде се ангажирани 50 полициски службеници со 10 моторни возила од Единицата за специјални задачи како и 120 полициски службеници со 15 моторни возила од Единицата за брзо распоредување. По пронаѓањето на авионот од страна на полициски службеници од ЕСЗ е извршено обезбедување на периметарот на местото на настанот и известен Јавен обвинител од ОЈО Скопје кој излегол на местото на настанот, по што извршено е првично фотографирање, но поради немање на услови за вршење на увид, истиот согласно насоките од јавниот обвинител е планиран да продолжи во утринските часови“, соопштуваат од МВР.

Министерството за внатрешни работи во координација со другите надлежни институции презема мерки и активности за утврдување на сите поединости околу авионската несреќа и целосно документирање на настанот.

Во несреќата загинаа сите шесмина патници, пет мажи и една жена, сите со италијанско државјанство, а двајца од нив имале косовско потекло. Според првичните информации тргнале кон Приштина, каде загинатите Косовци кои биле браќа, планирале да отворат спортски аеро-клуб.

Австриските обвинители истражуваат дали задоцнетата реакција на локалните власти придонеле за ширењето на епидемијата во Ишгл

Од 600 до 1200 лица од неколку различни земји се заразиле со коронавирусот во австрискиот скијачки центар Ишгл, објавија експертите, истовремено критикувајќи ги локалните власти за задоцнетото затворање на скијалиштето.

Австриската здравствена агенција “AGES” објави податоци за ширењето на коронавирусот на подрачјето на Ишгл и во околната долина Пазнаун, при што ги обвинија регионалните власти дека одолговлекувале со затворање на скијачкиот центар.

Првото лице, австриска келнерка од Тирол се заболела на 8-ми февруари во долината Пазнаун во покраината Тирол, но со оглед на тоа што нејзините симптоми биле благи, не било спроведено тестирање до почетокот на март, открија од “AGES”.

Двајца Норвежани кои студирале во Италија исто така го „донеле“ вирусот во Тирол каде што дошле на скијање.

Со околу 600 случаи на заразени со коронавирус во Австрија поврзани со долината Пазнаун, најмалку иста бројка, ако не и двојно поголема има заразени граѓани на други земји. Ова го изјави челникот на одделот за јавно здравство при “AGES”, Франц Алербергер на новинска конференција.

Петер Колба, активист за заштита на потрошувачи изјави дека добил информации од приближно 2,200 туристи кои биле позитивни на коронавирусот веднаш после нивниот одмор во долината Пазнаун.

Многу од овие туристи, кои се согласиле на поднесување на колективна тужба се од Германија, Швајцарија, Велика Британија, Холандија и нордиските земји, што значи дека тие откако се вратиле дома во првите недели продолжиле да го шират вирусот.

Австриските обвинители сега истражуваат дали задоцнетата реакција на локалните власти придонеле за ширењето на епидемијата во Ишгл. Тиролската покраинска влада соопшти дека ги затвориле сите скијачки центри откако бил потврден првиот случај на коронавирус на почетокот на март.

Возачот пред неколку недели превозувал лице заразено со вирусот

Вработен во службата на Итна помош заразен од корона вирусот, потврди Директорот на Здравствен дом, Виктор Исјановски.

Возачот пред неколку недели превозувал лице заразено со вирусот, а поради тоа, самиот закажал тестирање во еден од пунктовите во Скопје. Утрово добил известување дека е позитивен на КОВИД 19. До денеска возачот немал симтоми, а претходно редовно бил ангажиран во службата.

Само во текот на вчерашниот ден беа регистрирани 30 новозаболени, најмногу во Скопје, каде бројката на досега заразени од почетокот на епидемијата изнесува 195.

извор: kanal5.com.mk

Приведените тепачи не можат да најдат адвокат

Последните информации од Штип во врска со видеото кое ја вознемири македонската јавност се дека приведените момчиња не може да најдат адвокат.

Судијата од претходна постапка Олгица Павлова, во секој момент треба да одлучува за нивниот притвор, но тоа е невозможно доколку осомничените немаат правен застапник. Сите повикани адвокати , до утринските часови , одбиле правна помош или биле зафатени со други предмети , па од тие причини тие биле оставени исказите во полицијата да ги даваат сами.

Во судот се чека одлука за назначување адвокат по службена должност.

Во јавноста многумина адвокати се понудија да ја застапуваат тепаната девојка. Таа вчера откри дека видеото било пред два месеци снимени во зграда каде ја однеле насилниците. Таа со еден од нив претходно била во врска, но потоа настанале големи недоразбирања. По ќотекот девојката се плашела да пријави насилтво поради закани од насилниците. Таткото пак на еден од нив обвини дека и девојката има вина за тепањето.

Во врска со случајот обвинителството побара притвор.

Основното јавно обвинителство во Штип денеска поднесе Предлог за определување притвор за две лица, жители на Штип на возраст од 23 и 26 години, за кои постои основано сомнение дека го сториле кривичното дело – Насилство од член 386 став 3 во врска со став 1 од Кривичниот законик.

-Осомничените во текот на јануари 2020 година, заедно извршиле грубо насилство над оштетената, на начин што отишле во куќата каде престојувала и започнале да ја навредуваат и удираат со тупаници и шлаканици во пределот на лицето и главата. Потоа со влечење ја однеле во влез на станбена зграда каде продолжиле со вршење на насилството. Додека го вршеле грубото насилство, осомничените снимале со мобилен телефон, со кои дејствија кај оштетената и во јавноста предизвикале чувство на несигурност, загрозување и страв, информираат од Обвинителството.

Во насока на обезбедување непречено одвивање на кривичната постапка, како и поради постоење на околности кои укажуваат дека осомничените ќе го повторат кривичното дело, обвинителството го достави предлогот за определување притвор за двајцата осомничени.​

Популарно