Рано насабајле накај работа цела стуткана во капут седнувам на горниот кат од 57ца.Пред мене две тетки размуабетени, си велам ова ќе биде долго патување од Радишани до Центар.

Знаеш син ми наполни 21 година не се запиша на факултет, ете заврши средно.Си станува во 1 попладне обавезно мора да го чека доручекот на маса ако не веднаш ми се јавува и почнува да ме критикува.О, па ако не му се испеглани алиштата одма се лути.

Па како така толкав маж од мајка му да чека што не го тераш да работи ете кола сте му купиле нека врти такси, може да работи на пумпа, маркет..

Молам за 15 илјади, па не си го пуштам детето да ми мрзне или не дај боже како таксит некој да го изнатепа, нека си седи дома.

Се изнервирав слушаќи ги, не можев да се воздржам беше посилно од мене и се обратив на тетката која го штитеше синчето.

- Се извинувам госпоѓо ме гледате мене јас имам завршено Правен факултет со просек од 10.00 точно на време дадени испити. И да ви кажам секое сабјле се мрзнам чекајќи автобус до работа патувам 40 минути низ гужвиве, работам 8 часа, честопати прекувремено, нема да ме прашате колку зимам плата?Госпоѓата подголтна, занеме...Платата ми е 12 илјади, а некогаш на газдата ќеиф му е да ни скрати и по 2000 денари, без да ни каже зошто. Се повлеков и ставив слушалки на уши, жената се сврте напред и престана да збори.

Се прашувам зашто некои луѓе сами си ги прават децата да им бидат неспособни.Па уште ги охрабруваат да не се мачат.На секој ќе му биде убаво да лежи дома до 1 попладне и со прст да не мрдне зашто тато и мама ќе му дадат.

Не разбирам, но очигледно дека со ваков однос, без амбиција, работно искуство мислат дека ги чека директорска позиција?

Инженерот Давид Вајтлок, кој не се туширал 12 години, на себе има милијарди добри бактерии поради кои, како што тврди, потта не смрди.

Човечката пот функционира на сосема ист начин. Се претвора во амонијак кој смрди, но може да се неутрализира со присуство на овие бактерии. Единствен проблем во тоа е што повеќето од нас, поради редовната хигиена, на своето тело немаат добри бактерии.

Инженерот Вајтлок на себе, по 12 години, има милијарди добри бактерии. Го прска своето тело со АОБ бактерии коишто ги набавува во кокошарниците, свињарниците и шталите.

Исклучок кај Вајтлок се рацете кои ги мие со сапун само во два случаи: пред јадење и по одење во тоалет.

Налудничавата идеја да не се тушира, хемичарот Давид Вајтлок ја добил кога девојката го прашала поради што коњите се валкаат во кал и прашина. Од тој момент поминале 12 години, а Вајтлок капењето го заменил со прскање со спреј кој содржи амонијак-оксидирачка бактерија (АОБ).

Вајтлок го заинтересирало влијанието на микроорганизмите кои живеат во земјата, реките, океаните и на телото. Многу брзо открил дека овие животни се валкаат во калта за да осигурат доволно бактерии на своето тело и на тој начин да и оневозможат на сопствената пот да изгние и да смрди во текот на топлоте летни месеци.

Децата се вистинско мало чудо кое претставува минијатурна верзија од своите родители.

И додека по игра на случајност, некои работи ги наследуваат од своите мајки, а други од своите татковци, постојат четири карактеристики кои на детето му се пренесуваат директно и исклучиво од таткото. 

Пол

Во моментот кога сперматозоидот ќе ја оплоди јајце клетката, се одредува полот на детето. За тој избор е одговорен исклучиво сперматозоидот, бидејќи јајце клетката носи два Х хромозоми, додека машката ќелија носи еден Х и еден Y хромозом. Полот на детето зависи од тоа дали јајце клетката ќе биде оплодена со X или Y хромозом.

Доколку е во прашање Х, ќе имате девојче, а доколку е Y – пристигнува наследник на машкиот пол.

Рефлекс на кивање поради светлина

Доколку секој пат кога ќе погледнете во сонцето ви доаѓа да кивнете, тоа сте го наследиле од вашиот татко. Ваквиот феномен во кој луѓето киваат кога се изложени на сонце или изненадна светлина е наследна особина.

Отпечатоци од прсти

Иако отпечатоците на прстите се нешто што е потполно единствено и никој нема исти отпечатоци на светот, сепак отпечатоците на децата се послични со отпечатоците на татковците отколку на мајките.

Далтонизам

Далтонизмот е ретко пореметување во кое лицето не ги распознава боите јасно, туку распознава само контрасти (црно-бело). Овој термин често се меша со пореметувањето во кое лицето не распознава црвена и зелена боја. Околу 5 отсто од светската популација пати од овој синдром, од кои поголемиот дел се мажи кои природно го носат тој дефект со себе, а тие најчесто го пренесуваат и на своите потомци.