ВИДЕО: Прва снимка од нападот на играчите на Црвена Ѕвезда во Сплит

Момче кое седело во кафуле во близина на местото на кое вчера беа нападнати ватерполистите на Црвена звезда, меѓу кои еден мина потешко, а спасот го побара скокајќи во море, го снимил моментот кога хулиганите го почнале крвавиот пир.

Во снимката до која дојдоа хрватските медиуми, се гледаат хулиганите како со метални палки и друго оружје во полн трк се упатуваа кон гостите од Белград, а во моментот кога почнува хаосот прекинува и снимањето.

„Седев во кафуле, гледав во морето и решив да фотографирам едрилица која во тој момент исплови кон отвореното море. Не ни сфатив дека се случува нешто, дури потоа забележав дека случајно сум снимил двајца од напаѓачите“, изјави момчето.

На снимката се гледа како во еден момент поминува мајка со бебе, која за среќа не беше прегазена од хулиганите кои го направија хаосот и поради кој голманот на Ц. Звезда, Александро Краљ мораше да скокне во море.

Мојсоски за настапот на репрезентацијата: Нема хемија во децата, јас одма знаев дека ништо не можеме да направиме

Македонската ракометна репрезентација уште во првата фаза го заврши настапот на ЕП 2020 во Австрија, а вчерашниот пораз од домаќинот-Австрија (32-28) тешко го прифатија македонските навивачи.

Екс-репрезентативецот Наумче Мојсоски за „Фокус“ даде свој став околу настапот на нашите ракометари на ова големо европско натпреварување.

„Нема хемија во децата. Јас уште пред почетокот на ЕП бев скептичен, но и толку можеме. Јавноста треба да сфати дека репрезентацијата поминува низ смена на генерации и сметам дека самиот пласман е успех. И така треба да биде – да се радуваме со секоја квалификација на големо европско натпреварување. А што ќе направиме, тоа е веќе друга приказна. Јавноста врши голем притисок и врз ракометарите кои пак изјавуваат дека „мора да поминеме во втор круг“. Не мора. Криви сме сите кои билдаме притисок кон ракометарите. Овие млади деца треба да се уиграат неколку дена пред ЕП заедно со Кире Лазаров кој е лидер на тимот“, вели Мојсоски.

Според него, некои од нашите млади ракометари избрзуваат со одлуката да заиграат во странски ракометен тим.

„Некои од ракометарите многу брзаат да направат трансфер во странство. Мислам дека треба во Македонија да се афирмираат како носители на еден тим, па после да заминуваат од земјава. Година дена треба да си прв во село, па потоа да заминеш во град. Парите ќе дојдат, треба малце самокритика. Прават трансфери, па после седат на клупа, на трибини. Тука ни е проблемот. Во нашата генерација, сите игравме по 60 минути на терен. За жал, во сегашната репрезентација има се помалку такви играчи“, порача Мојсоски.

Стружанецот пред четири години се збогува со репрезентацијата, за која настапи на над 100 натпревари.

Загина португалски мотоциклист

Португалскиот мотоциклист Пауло Гонсалвес почина по несреќата која ја имаше на седмата етапа од најпознатото рели Дакар.

Искусниот, 40 годишен Гонсалвес доживеал несреќа на денешниот специјал од 276 километри по која за жал го загубил животот. Од организацијата ја потврдија трагичната вест и објавија повеќе детали за немилиот настан.

– Пауло Гонсалвес кој го возеше мотоциклот со бр.8 почина по падот кој му се случи на денешниот специјал од 276 километри. Организаторите примија повик во 10:08 часот, а хеликоптерот со медицинска помош го пронајде мотоциклистот без свест во 10:16 часот. По обидите да се спаси неговиот живот, натпреварувачот беше однесен во болница каде беше прогласен за мртов, -стои во дел од соопштението на Дакар.

Инаку, Гонсалвес беше искусен возач на мотоцикли на Дакар, натпреварување на кое земаше учество уште од 2006 година. Негов најдобар пласман беше во 2015 година кога заврши на втората позиција веднаш зад Марк Кома, а минатата година се откажа уште во петтата етапа.

Годинава беше на 46. место во генералниот поредок, а оваа ниска позиција ја доби поради фактот што во третата етапа се соочи со голем проблем кога му откажа моторот, па сред пустина мораше сам да го менува и да ја продолжи трката. Тогаш Гонсалвес од организаторите, но и од фановите на Дакар беше прогласен за херој.

Денеска да ги бодриме заедно нашите ракометари

Македонската рекометна репрезентација на завршницата од 14. Европско првенство кое се одржува за првпат во три земји на стариот континент Австрија, Шведска и Норвешка и се игра за првпат со 24 селекции, имаше победнички старт. И покрај осцилациите во играта минимално, но заслужено совладана е Украина (26:25) во групата Б.

Денеска со почеток во 16 часот  во Виена на програмата е мечот од 2. коло против Чешка кој ќе треба да донесе расплет за „црвено-жолитите“ во групата или пак комплетен заплет кои две репрезентации од оваа група како првопласирани ќе патуваат во главната фаза. Македонија со победа си ги решава дилемите за вториот круг, со пораз ќе ја искомплицира ситуацијата пред дуелот од третото коло со домашната селекција на Австрија, која истотака има победнички старт, токму против Чешка(32:29). Затоа денешнит реивал на „црвено-жолтите“ Чешка нема правао на нов кикс. Со втор пораз ќе се збогува од настапите на ЕП по првата групна фаза. Македонија ако се доведе во непријатана ситуација да загуби ќе има и поправен против домашната Австрија во 3. коло, што ќе биде многу потежок пат да се стигне до втората фаза.

Македонија и Чешка по петтипат ќе се соочат на завршниците од Европсите првенства. Македонија го игра шестиот континентален собир и само еднаш на овие завршници немала дуел со Чешка и тоа на ЕП-2016 кое се одржа во Полска. Традиционално Чешка е ривалот преку кој Македонија мора да помине за да стигне во втората рунда од континеталните собири. Во Ниш на ЕП-2012 година со победа од 27:21 го заверивме настапот во втора фаза, а слично беше и во Хернинг кога на крајот беше 24:24. Пред две години во Вараждин загубивме минимално 24:25, а притоа не искористивме и седмерец за изедначување.

Популарно