За 150 денари, си ќари 17.000 евра во кладилница

Кумановец добил 1.020.000 денари или 16.740 евра на спортска прогноза. И.С. (21) добивката ја остварил на две ливчиња, во кои вложил 150 денари.

Едното ливче од 100 денари му донело 170.000 денари, а второто од 50 денари 850.000 денари.

Тој за Кумановоњус, вели дека не е пасиониран играч на спортска прогноза. Уплаќа по 3-4 ливчиња месечно, колку за забава. Кога ги уплатил двата тикети на големи квоти во вторникот, воопшто не се надевал на добивка. Дури и ливчињата сакал да ги фрли, но во последен момент се одлучил да провери. Кога ги видел резултатите останал во шок.

Не ми се веруваше. Кога се прибрав од изненадувањето утврдив колкава сума сум добил. Пресреќен сум, - ни изјави Иван.

ФОТО: Струмичанец на спортска за 200 денари ќарил 12.500 евра

Редовен обложувач од Струмица изминатиот викенд доби вистински џекпот со уплата само од 200 денари. Струмичанецот најде начин како да дојде до добивка од речиси 12.500 евра, односно 765.568 денари и тоа само со осум типувани натпревари. Тајната е во головите, но пред сè, гледал да избегне мечеви од топ 5 лигите во Европа.

Вербата му била во дуели од балканските лиги, во комбинација со уште неколку натпревари од понеквалитетните првенства ширум Стариот Континент. Средбата меѓу Истра и Славен Белупо е единствен гол-гол (ГГ) тип на Струмичанецот, кој му донесе квота од 1.81, додека останатите седум средби се типовите како 4+, 5+ и 6+. Партизан го држел во неизвесност сè до последните минути од дуелот против Рад, кој заврши со 3-0, а токму тоа очекуваше типувачот, Црно-белите трипати да го најдат патот до мрежата.

Oстанатите мечеви завршија точно на граница, односно минималниот број на погодоци кои беа потребни за добивката.

Баварците се засилија со Кутињо

Баерн Минхен утрово го промовираше Филипе Кутињо како свое ново засилување. Кутињо  стигнува во Баварскиот гигант како позајмен играч, а доколку Баерн сака да го откупи неговиот договор следното лето ќе треба да платат 120 мил. евра.

-Баерн Минхен го комплетираше трансферот на Филипе Кутињо. Бразилецот ги помина медицинските тестови во неделата и го потпиша договорот. Тој ќе игра една година како позајмен играч од Барселона. Баерн Минхен има опција целосно да го откупи по истекот на позајмицата. Сите страни се договорија да не се објавуваат финансиските детали, стои во соопштението на Баерн.

-За мене овој трансфер значи нов предизвик, нова земја со еден од најдобрите клубови во Европа. Како и Баерн Минхен, и јас имам големи амбиции и уверен сум дека ќе ги остварам заедно со моите нови соиграчи, изјавил Кутињо.

Видео: Медведев го „реши“ Ѓоковиќ

102 минути му беа потребни на Данил Медведев за да се врати од работ на поразот и  да успеа да го победи светскиот рекет број 1 и актуелен шампион, Новак Ѓоковиќ, во полуфиналето на Мастерсот во Синсинати и стигна до второто Мастерс 1000 финале.

Русинот губеше со 6:3/3:2 и 30:40, но ја спаси таа брејк топка, за на крајот по час и 43 минути игра да го победи Србинот со 3:6/6:3/6:3. Светскиот рекет број 8 одигра фантастичен втор и трет сет, во кој не му дозволи на Ѓоковиќ да влезе во ритам и имаше 16 аса, најмногу што дозволил Ѓоковиќ годинава.

– Да бидам искрен не знам како го направив ова. Бев толку уморен во првиот сет, а играв против Новак. Потоа, еден момент во вториот сет го смени ритамот и добив енергија – изјави Медведев.

Ова е негово трето финале во низа откако во Вашингтон загуби од Ник Кирјос, а во Монтреал од Рафаел Надал. Противник вечерва во 22 часот ќе му биде Давид Гофан, кој со 6:3/6:4 го победи Ришар Гаске.

Ѓоковиќ имаше само пофални зборови за својот противник.

-Мислам дека одиграв добар меч. Можеби во третиот сет можев да бидам малку подобар, но кога имаш противник кој сервира со 200 на час и не прави многу грешки, мораш само да му честиташ. Тој одигра фантастичен меч и не можев да направам многу. Данил оди кон топ 5 и дефинитивно е еден од најдобрите тенисери на турнејата. Многу е подобрен од Австралија опен минатата година. Неговиот форхенд е подобар, неговото движење исто така – изјави Ѓоковиќ.

Популарно