Министерство за Транспорт и врски: Пишувајте на „Северномакедонски јазик“

Во документ за проект од Министерството за транпсорт и врски, исчезна македонскиот јазик. 

Во документите подолу, можете да видите дека министерството вели дека сите документи треба да бидат доставени на „Северномакеоднски јазик“!

Од Понеделник повторно ќе нема полициски час

Од понеделник најверојатно повторно нема да има полициски час. Оваа најава на вчерашната пресконференција стигна од министерот за здравство Венко Филипче. Но, како што и самиот нагласи, тоа го вели со резерва, бидејќи конечната одлука ќе се донесе или утре, или во понеделник наутро. 

Причина за ова може да биде што најголемиот број од новозаболените се со лесни симптоми, што покажувало дека вирулентноста на вирусот слабее, и дека нема да се случи опасното сценарио, односно да се пренатрупаат болниците со пациенти. 

„Ние впрочем, од понеделник најверојатно, и ова ќе го кажам со резерва, бидејќи одлука ќе се носи во недела или понеделник наутро, нема да има никаква рестрикција, ќе биде така како што беше до четвртокот, насекаде. Но, ќе имаме целосен увид, сите позитивни ќе бидат веќе ставени во изолација, ќе ја следиме и нивната состојба. Многу од нив не развија симптоми, 90 отсто веројатно ќе поминат и без никаква терапија. Значи, имавме еден пристап со кој го проценивме ризикот врз здравствениот систем, и плус што имаме доказ дека вируленцијата опаѓа“, рече министерот. 

Тој признава дека откако настапи полицискиот час, се пренатрупаа туристичките места во земјава. Но нагласи дека мерките секаде и сега и во иднина ќе мора да се почитуваат, бидејќи во следните чекори се очекува ново олабавување на мерките, како што се отворање на хотелите и слично.

„Сметам дека можеби поголем број граѓани заминаа, но тоа се очекува кај продолжен викенд. Но, мора да се почитуваат мерките. Ние ќе треба да научиме да живееме со ова и понатаму. Секој следен викенд ќе биде со убаво време, и е можност луѓето да заминат во туристичките места. Инаку, ние во мерките за олабавување кои се планирани во следните чекори, планираме и отворање на хотелите и тн. Затоа, каде и да одат граѓаните, овие мерки се универзални и важат за сите, односно максите, дистанцата и честото миење на рацете“, нагласи првиот здравствен работник.

Инаку, откако се појавија новите драстично зголемен број на случаи, здравствените власти почнале со интенивни тестирања.

„Што ни покажаа првичните резултати откако повторно почнаа да доаѓаат случаи? Во рамките на семејствата, околу оние семејни настани на 24 и 25 мај, и неколку дена претходно, се покажа дека има одреден процент на асимптоматски носители, и заради тоа интензивно ги истестиравме сите примарни контакти на претходно дијагностицираните, најголем дел од околу 15 семејства од Скопје. Но, 90 отсто од нив се асимптоматски, а другите имаат сосема лесни симтоми. Ова го направивме со цел да се процени ризикот за здравствениот систем, да се процени дали може да се очекува некаква тешка форма на болеста кај новодијагностицираните и да се соочиме со сценарио во кое би се пренатрупале болниците. Но тоа не е случај, и тоа го докажавме со ова интензивно тестирање на примарните асимптоматски контакти. Кај членови на едно семејство, само еден член има лесни симптоми, останатите девет се асимптоматски носители. Значи, моравме да процениме дали има опасност капацитетот на болеста да прерасне во тежок, што не се случува во изминатите две недели, значи дека има податок дека вируленцијата опаѓа, а во исто време знаеме и дека не е здравствениот систем во ризик. Затоа се зголемија тестирањата, и во семејствата кеде некои членови немаат никакви симптоми. И сега имаме јасна слика“, нагласи Филипче.

Последниот селективен карантин, кој важи само за некои општини, тој го правда што овие заболени дале податок дека се движеле низ целиот град Скопје.

„Моравме да ја направиме оваа рестрикција за да се заштити целиот главен град. Мислам дека на другите места каде што има спорадични случаи нема потреба од целосна рестрикција“, објасни министерот.

Градоначалникот Аце Коцевски- Наместо да ја оставите на гробишта-донирајте ја храната

Градоначалникот Аце Коцевски на вчерашната прес конференција упати апел до сите граѓани кои планирале во текот на денешниот ден и  утре да ги посетат вечните почивалиштата на своите најблиски, да се придржуваат и да ги почитуваат мерките за заштита од Ковид-19 и да не ги посетуваат црквите и гробиштата, а храната која сакале или планирале да ја остават на самите гробни места да ја донираат на оние на кои им е неопходна, а со тоа да покажат добро дело.

Воедно, Коцевски упати апел до сите жители на Општина Велес да ги почитуваат мерките за носење на лична заштитна опрема, да држат растојание и да одржуваат хигиена, со цел да не го доведуваат во ризик здравјето на своите најблиски, особено повозрасните, како и оние сограѓани кои имаат хронични заболувања.

Како што рече Коцевски, претставниците на МВР – СВР Велес потенцирле дека најголем проблем се младинците кои не доволно ги почитуваат мерките за заштита, дружејќи се во поголеми групи, посебно во ноќните часови.

На оицијалната страна на Повардарската епархија се наведува:

Почитувани,

Со оглед на новонастанатата состојба во нашата држава, а заради пандемијата со КОВИД-19, која се однесува на забраната за посетување на гробните места за денот на покојните – ДУХОВДЕНСКА ЗАДУШНИЦА, се известуваат и повикуваат сите верни чеда на Повардарската православна епархија од сите населени места кои се наоѓаат во нејзиниот состав, во деновите 05.06. 2020 (Петок) и 06.06.2020 (Сабота), во периодот од 08-14 часот, да дојдат во храмовите (дворовите на храмовите) и со себе да понесат варена пченица, црвено вино и список со своите претходно упокоени блиски роднини и пријатели.

Во тој спомен (на нашите претходно упокоени) на ден 06. 06. 2020 (Сабота) со почеток во 08 часот ќе биде отслужена и Заупокоена Литургија во сите храмови. Затоа Ве покануваме достоинствено да им оддадеме чест и спомен на сите упокоени наши браќа и сестри во Христа.

ВИСТИНСКИ ХЕРОИ

Храбар потег на момчињата кои одлучија да не ги чекаат пожарникарите… Голем пожар избил во една стамбена зграда во Париз, а еден стар човек бил заробен во својот дом.

Густиот дим излегувал од станот, а старецот стоел на терасата и чекал да дојдат пожарникарите бидејќи не бил моќен сам да се спаси.

Но, насобраните граѓани одлучија да не чекаат повеќе, па се организираа сами. Тројца храбри момчиња се искачија на вториот кат до соседниот стан, а потоа преку терасата го извлекоа стариот човек кој веќе бил зашеметен од димот.

Хуманоста на дело – Браво!

Популарно