Видео: Како се краде столица од ...

Во текот утринските часови во петокот, околу 02.30 ч. од продавницата Тобако, сместена под безистенот во Битола, од страна на непознато лице е одземен стол, кој бил оставен и заборавен пред самиот дуќан.

Газдата на дуќанот упати апел доколку некој го познава човекот од видеото да му пренесе да дојде кај нив и да си го земе и другото столе пренесуваат од Маркукуле.мк

 

Ako go poznava nekoj cickoto neka mu kazi da dojdi ke mu go dajme i drugiot stol.

Posted by La Tobacco on Friday, October 4, 2019

ВИДЕО: Озонската дупка е помала од кога било

Озонската дупка на обвивка околу планетата Земја е помала од кога било, но тоа се должи на невообичаено топлото време, а не на подобрување на еколошките параметри, откриваат од НАСА.

Како што соопштија од американската вселенска агенција, озонската дупка над Антартикот се смалила на најмал обем од времето кога првпат е откриена во осумдесеттите години под минатиот век. Тоа е значително подобрување на состојбата на озонската обвивка околу Земјата, којашто ја штити планетата од потенцијално опасното ултравиолетово зрачење, коешто може да предизвика рак на кожата, катаркта, го уништува имунолошкиот систем кај луѓето, а им наштетува и на растенијата.

Ова е голема вест за озонот на јужната хемисфера – изјави Пол Њумен, шеф на научната група на НАСА за истражување на Земјата.

Најголемата дупка во озонската обвивка е измерена во 2001 година, кога изнесуваше 11,5 квадратни милји. Оваа година, најголемата површина што ја имаше дупката изнесуваше 6,3 милиони квадратни милји, додека сегашната состојба изнесува 3,9 квадратни милји.

ВИДЕО: Пронајден најстариот бисер на островот Марава

Министерството за култура и туризам на Абу Даби објави дека го откри најстариот познат природен бисер на светот при ископување на островот Марава, во главниот град на Обединетите Арапски Емирати.

Бисерот е откриен помеѓу рушевините на населбата од камено време, пренесува Deutsche Welle.

Бисерот е стар најмалку 8.000 години, што е доказ дека трговијата на бисерите постоела барем од времето на неолитот.

Истражувачите сугерираа дека тогашните луѓе тргувале со грнчарство и друга стока во Месопотамија, древната цивилизација која ги опфаќа денешните делови на Сирија, Ирак и Иран.

Во текот на 19. век и почетокот на 20. век Обединетите Арапските Емирати биле под контрола на различни колонијални сили, трговијата на бисерите беше главен фактор за развој на економијата на тие подрачја.

Бисерот ќе биде изложен во Лувр во Абу Даби.

Осаменоста сѐ повеќе зема замав како епидемија

Секое второ домаќинство во германскиот главен град Берлин, има само по еден член. Поради тоа, во градот веќе постојат служби за помош на постари лица, кои вклучуваат телефон, професионално организирање забави и дружења и Фејсбук групи.

Истражувањата покажуваат дека луѓето сѐ помалку се дружат и социјализираат и тоа им влијае на здравјето. И, тоа не е само проблем на Германија, туку феномен присутен „од Јапонија до Америка“.

Поради тоа, демохристијаните од Берлин побараа да се воведе специјален комесар за осаменост.

– Некој мора сѐ тоа да го управува и за тоа е потребно работно место со цело работно време. Не е веќе доволно со тоа да се занимаваат само доброволци, истакна портпаролот на Демохристијанската унија, Мајк Пен.

Според официјални податоци, најмалку 300 лица годишно умираат во своите станови, при што никој не го забележува тоа со недели. Берлин поради тоа, меѓу другото, го доби и прекарот „престолнина на осаменоста”.

Велика Британија, инаку, од лани има министер за осаменост, кој беше поставен по податокот дека девет милиони Британци страдаат од чувство на осаменост.

Притоа, Марк Робинсон, одговорен за непрофитната организација „Ејџ УК“ нагласува дека осаменоста е поштетна за здравјето од пушењето 15 цигари дневно.

Осаменоста не е само одлика на повозрасното население. Во САД, на пример, најосамени се луѓето родени 90-тите години од минатиот век и на почетокот на овој столетие.

– Речиси половина од Американците, 46 отсто, изјавуваат дека понекогаш или постојано се чувствуваат осамено, се наведува во истражувањето на компанијата за здравствено осигурување „Сигна”.

Во Јапонија, со децении се активни кафулиња каде што осамените момци и девојки плаќаат девојка или момче заради разговор, прошетка или дружење и сѐ тоа барем накусо да изгледа реално. Во Кина, политиката на најмногу едно дете предизвика пораст на таканареченото „купување сопруга“ од соседните земји за осамените момчиња во земјата.

Според Американскиот национален институт за здравје, последици од осаменоста се: висок крвен притисок, срцеви болести, вишок килограми, ослабен имун систем, анксиозност, депресија, намалени умствени способности, Алцхајмерова болест, па дури и смрт.

Популарно