Што да се јаде пред и после вежбање

Забава Здравје

пред еден месец

Научниците веќе долго време  тврдат дека она што го јадете пред, за време и после вежбањето може да влијае на резултатите од вашиот фитнес. И што е тоа што нутриционистите препорачуваат да јадете? Добрите јаглени хидрати се многу важни пред тренингот, а протеините после вежбање.

Што да се јаде пред вежбање

„Јадете јаглехидрати пред вежбање, но не премногу“, рече Нанси Коен, професор на Катедрата за исхрана на Универзитетот во Масачусетс во Амхерст.

Таа препорача да консумирате од еден до четири грама јаглени хидрати на 2,2 килограми телесна тежина, ако планирате да вежбате повеќе од еден час.

Упатствата за исхрана препорачуваат доколку внесувате 2000 калории на ден, обидете се да консумирате помеѓу 225 и 325 грама јаглени хидрати.

Треба да јадете еден до четири часа пред вежбање. Истражувачите од Универзитетот во Сиднеј сугерираат дека внесот на јаглени хидрати може да ги подобри перформансите на вежби за издржливост.

"Со консумирање на храна  богата со јаглени хидрати со малку маснотии, јаглени хидрати, можете да се осигурате дека имате доволно мускулен гликоген како гориво за вашата физичка активност. Значи, јадете смокви, путер од кикирики, банани, јогурт, тестенини или друга храна со висок јаглерод". рече Коен.

Покрај тоа, доволна количина вода е многу важна.

„Општо, можете да консумирате пет до 10 милилитри вода на килограм телесна тежина, два до четири часа пред вежбање“, рече Коен.

Значи, многу е важно да не вежбате на празен стомак, затоа што ако не јадете, вашето тело ќе биде „измачувано“.

Што да се јаде додека вежбате

Една од најважните работи што треба да направите додека вежбате е хидратација. Ако вежбате 45 минути или помалку, доволно течност ќе биде сè што ви треба.

„За вежби за издржливост од еден до два часа, ќе треба да внесете 30 до 60 грама јаглехидрати на час. На пример, има 25 грама јаглехидрати во едно јаболко со средна големина“, рече Коен.

Соковите, спортските пијалоци, овошјето и другите намирници и пијалоците со висок јаглерод може да бидат од голема помош.

Што да се јаде после вежбање

По тренингот, ќе ви требаат многу протеини, како што се млечни производи, јајца и пилешко месо.

"По долго или многу интензивно вежбање, консумирајте еден до два грама јаглени хидрати на килограм телесна тежина заедно со 15-25 грама протеини. Ова ќе ги надополни резервите на гликоген во вашите мускули", рече Коен.

На пример, едно варено јајце има околу шест грама протеини.

„По полесно вежбање, јадете добро избалансиран оброк, кој вклучува високо квалитетен протеин и јаглени хидрати во рок од два до три часа од завршувањето на тренингот и пијте доволно течност“, додаде Коен.

Ако чувствувате болки во мускулите после вежбање, пијте сокови од лубеница или цреша.

Подгответе се за спектакл во СЦ „Јане Сандански

Забава

пред 5 дена

Регионалната музичка икона Сенидах го најави својот прв солистички концерт во Скопје, на 14 февруари 2026 година, во СЦ „Јане Сандански“. По спектакуларниот настап на белградскиот Ташмајдан, Сенидах ја носи својата естетика, енергија и препознатлив сценски израз во македонската престолнина, подготвена да создаде уште еден момент што ги поместува стандардите на регионалните live настапи.

Својата кариера ја гради храбро, гласно и без компромиси. Денес е препознатлива по специфичниот вокал, неповторливиот музички израз и сценски настап што ги брише границите меѓу жанровите, сензибилитетите и стиловите. Сенидах умешно ги спојува R&B, трап и елементите на балканската народна музика, создавајќи звук кој е единствен во регионот и препознатлив глобално.

Од соработки со уметници како Дино Мерлин, Цоби, Џала Брат и Буба Корели, Раф Камора, до самостојни изданија што бројат милионски стримови – Сенидах го изгради статусот на едно од најавтентичните современи имиња на новата балканска сцена. Нејзиниот трет студиски албум „Сен и дах“ објавен на почетокот од годината, бележи исклучителни резултати, додека сингловите „Делија“ и „Иди гаде“ и понатаму доминираат на топ-листите.

Организацијата ја потпишува SKYMUSIC продукција, а публиката во Скопје ја очекува продукција на светско ниво – моќен звук, силна визуелна режија и сценски дизајн што го следи секој ритам и емоција на нејзиниот автентичен израз. Тоа ќе биде концерт кој ја потврдува Сенидах како една од најхрабрите и најдоследни авторки на денешната регионална музика.

Влезниците за концертот на Сенидах почнувајќи од денес се достапни преку бесплатната апликација eFinity и преку платформата Wayin.mk.

Дневен хороскоп

Хороскоп

пред 2 недели

Овен

Овни, денеска вашата иновација доаѓа до израз. Размислете за нови идеи и стратегии кои можат да го подобрат вашиот бизнис. Фокусирајте се на романтичните моменти со саканата личност. Покажете ги вашите чувства и бидете искрени. Внимавајте на вашиот имунолошки систем. Витамините и здравата исхрана ќе го зајакнат вашето тело.

Бик

Бикови, денеска фокусирајте се на долгорочните цели на работа. Поставете јасни цели и работете постепено за да ги постигнете. Бидете внимателни со саканата личност. Покажете интерес за нивните емоции и потреби. Внимавајте на очите. Редовните паузи од екраните и вежбите за очи може да го подобрат вашиот вид.

Близнаци

Близнаци, бидете трпеливи и тактични во деловните преговори. Дипломатијата ќе ви помогне да ги решите конфликтите на работа. Денес е добар ден за комуникација. Разговарајте со саканата личност за вашите очекувања и планови за иднината. Внимавајте на дишните патишта. Вежбите за дишење и престојот на свеж воздух ќе ви ја подобрат виталноста.

Рак

Ракови, денеска е поволен ден за преговори за зголемување на платата или дополнителни бенефиции на работа. Бидете храбри и изнесете ги вашите аргументи. Поминувајте повеќе време со саканата личност. Романтичните гестови ќе ја зајакнат вашата врска. Внимавајте на вашето емоционално здравје. Медитацијата и релаксацијата ќе ви помогнат да се справите со стресот.

Лав

Лавови, вашата посветеност и работна етика ќе ве издвојат на работа. Бидете фокусирани на вашите задачи. Денеска бидете внимателни кон саканата личност. Покажете ја вашата чувствителност и изразете ја вашата љубов преку мали гестови на внимание. Внимавајте на срцето. Редовната физичка активност ќе ја подобри вашата срцева издржливост.

Девица

Девици, бидете организирани и почитувајте ги роковите на работа. Ефективното управување со времето ќе ја подобри вашата продуктивност. Денес фокусирајте се на разбирање на саканата личчност. Емпатијата ќе ја зајакне вашата врска и ќе создаде хармонија во љубовта. Внимавајте на мускулите. Редовните вежби за истегнување ќе ја подобрат вашата подвижност.

Вага

Ваги, денеска е добар ден за размена на идеи со колегите. Креативната соработка ќе донесе нови перспективи на работа. Бидете отворени за компромиси во врската. Разговарајте за проблемите и наоѓајте решенија заедно. Внимавајте на сонот. Добриот одмор е клучот за враќање на вашата енергија.

Скорпија

Скорпии, бидете храбри и изразете ги вашите креативни идеи на работа. Вашата иновација ќе биде ценета. Ве очекуваат страсни моменти. Уживајте во интимните моменти со саканата личност и изразете ги своите фантазии. Внимавајте на вашиот имунолошки систем. Витамините и здравата исхрана ќе го зајакнат вашето тело.

Стрелец

Стрелци, денеска бидете трпеливи и истрајни во деловните преговори. Дипломатскиот пристап ќе ви помогне да постигнете договор. Бидете искрени со саканата личност. Отворената комуникација ќе ја зајакне вашата врска. Внимавајте на стомакот. Избегнувајте тешка и мрсна храна за да го одржите вашето дигестивно здравје.

Јарец

Јарци, денеска ќе се забележи вашата посветеност на работата. Бидете упорни во остварувањето на целите на работа. Денеска е ден за романтични состаноци. Поминете квалитетно време со саканата личност и изразете ја својата љубов. Внимавајте на коските. Внесувањето на калциум и редовното вежбање ќе ги зајакнат коските.

Водолија

Водолии, бидете отворени за нови идеи и предлози од колегите. Тимската работа ќе ве доведе до заеднички успеси. Внимавајте како се однесувате со саканата личност. Покажете ја вашата благодарност за поддршката што ја добивате. Внимавајте на сонот. Квалитетниот одмор ќе ви ја подобри енергијата и расположението.

Риби

Риби, денеска фокусирајте се на долгорочни цели. Вашата посветеност ќе ве доведе до успех на работа. Денес е ден за длабоки разговори со партнерот. Отвореноста и искреноста ја зајакнуваат вашата врска. Внимавајте на вашето емоционално здравје. Медитацијата и релаксацијата ќе ви помогнат да се ослободите од стресот.

Мет Лебланк од „Пријатели“ ѝ се посвети на новата работа со луксузни автомобили

Забава

пред 3 недели

Американскиот глумец Мет Лебланк целосно ѝ се посвети на својата нова работа – водење салон за користени луксузни автомобили во Лос Анџелес.

Комичарот никогаш не ја криел својата страст кон автомобилите, па го водеше и британското ТВ-шоу „Топ гир“ (Top Gear) од 2016. до 2019 година, кога се врати во САД за да биде со своето семејство.

Сега тој оди чекор натаму, вложувајќи свои пари во специјализиран автосалон наречен „РПМ моторкарс“ (RPM Motorcars). Компанијата нуди луксузни и спортски автомобили, т.е. пронаоѓање ретки модели за богати клиенти.

Meѓу тие клиенти, наводно, бил и неговиот близок пријател и колега од ТВ-серијата „Пријатели“, глумецот Метју Пери, со кого ја делел љубовта кон автомобилите од високата класа. Лебланк, се чини, го прави овој бизнис и семејна работа, бидејќи и неговата 20-годишна ќерка Марина е видена неколкупати во салонот последниве неколку недели, понекогаш и во маичка со логото на компанијата.

Лебланк, според гласините, прави пауза од својата филмска кариера. Последната улога му беше онаа во хумористичната ТВ-серија „Човекот со план“ (Man with a Plan), којашто се прикажуваше од 2016. до 2020., како и во специјалното издание на „Пријатели“ од 2021 година, кога и самиот рече дека „одвојува малку време за себе“.

Засега нема нови улоги.

Популарно