Премиерно прикажан првиот краткометражен филм за мултипла склероза во Република Северна Македонија

Националното здружение за помош и поддршка на лица со мултипла склероза соопштува дека на 22. октомври во Кинотеката на Македонија, Скопје премиерно беше прикажан првиот краткометражен филм за мултипла склероза насловен „Роденденски подарок“.

  • прв краткометражен филм за мултипла склероза 
  • прв успешно реализиран проект на Националното здружение за МС и Факултетот за драмски уметности во Скопје
  • вешто отсликана реалноста и здравствените и социјалните предизвици со кои се соочуваат лицата со мултипла склероза

„Роденденски подарок“ е прва соработка помеѓу Националното здружение за МС и Факултетот за драмски уметности во Скопје, која се уверивме дека е одлично и успешно реализирана. „Филмот прикажува и разработува исклучително чувствителна тема каде глумците, режисерите, сценаристите, камерманите, монтажерите и други несебично се внесоа и не штедејќи го својот потенцијал успеаа вешто да ја отсликаат реалноста и верно да ги доловат предизвиците со кои се соочуваат лицата со мултипла склероза“ изјави  Ана Карајанова Димитрушева, Претседател на Национално здружение за помош и поддршка на лица со мултипла склероза. 

„Десет минутниот филм е снимен на локации во Скопје и е фокусиран на здравствените и социјалните аспекти прикажани низ призма на борбата на главната хероина со нејзината хронична болест од една страна и отсуството на емпатија од останатите од друга страна“ изјави претставник од тимот кој работеше на овој проект.

Во приказната прикажан е животот на Јасна - млада девојка, ликовен уметник, лице кое боледува од мултипла склероза. Таа и покрај тешкотиите кои ѝ ги задава болеста со крајни сили се труди да ја исполни задачата за која е ангажирана, храбро борејќи се со исцрпувачките симптоми како резултат на нејзината болест. Кулминација во самата приказна се лошите зборови упатени од страна на Зоран, кои храбро ги дочекува Јасна која истовремено се бори на два фронта – макотрпните симптоми на мултиплата склероза и нималку пријатните зборови на Зоран како работонарачател. 

Краткометражниот филм „Роденденски подарок“ има прекрасен расплет каде секој може да ја почувствува суровата реалност, гордоста, победата и покајувањето.  

Мултипла склероза (МС) е една од најчестите невролошки нарушувања и причини за инвалидитет кај младите возрасни лица. Тоа е хронична, прогресивна, имунолошки посредувана, воспалителна и дегенеративна болест на централниот нервен систем. Настанува кога имуниот систем ја напаѓа обвивката на нервните клетки (миелин) во мозокот, ’рбетниот мозок и оптичките нерви, предизвикувајќи воспаление и последователна дегенерација, што води до прекин на невротрансмисијата на сигналот од една нервна клетка до друга. Мултипла склерозата има огромна палета на симптоми од кои дел се спастичност, замор, проблем со видот, уринарна дисфункција, болка и многу други.

Во Р. Северна Македонија од МС боледуваат околу 1.500 лица додека во светот има повеќе од 2,5 милиони лица. Многу е веројатно дека стотици илјади лица остануваат недијагностицирани и многу животи се индиректно зафатени. Повеќето лица со МС се дијагностицираат на возраст од 25 до 31 година, и околу два-три пати почесто се дијагностицираат жени наспроти мажи.

Причината за МС сеуште не е позната и до сега не постои лек, но постојат лекови кои можат да им помогнат на лицата со МС да ја стават болеста под контрола и постојат многу опции за подобрување и управување со симптомите.

За Националното здружение за МС

Национално здружение за помош и поддршка на лица со мултипла склероза – Здружение за МС е доброволно, непрофитно, невладино и непартиско здружение на граѓани, формирано заради остварување, заштита, унапредување и усогласување на правата, потребите и интересите, како и вршење на дејности и активности со цел подигање на јавната свест за мултиплата склероза. Oсновано е на 20. март 2019 година.

Потребата за формирање на здружението се наметна како резултат на неопходноста за обединување на лицата со мултипла склероза, нивните семејства со цел согледување на нивните потреби и инволвирање на останати чинители заради решавање на проблемите на лицата со МС, како и подобрување на квалитетот на нивното живеење. Исто така, секојдневниот напредок во медицината, токму во областа на неврологија бара интензивирање на реформите во оваа област.

Нашата мисија и причина за постоење е искрената желба за помош и поддршка на лицата со МС и нивните негуватели, во подигнување на свеста кај јавноста и проблематиката по однос на МС, сериозен пристап, навремена дијагностика и навремен и соодветен третман со цел спречување на прогресијата и инвалидитетот, поддршка на пациентите, едукација по однос на правата на лицата со МС и промоција на нови достигнувања во медицината.

Подгответе плескавици од тиквици

Време е за лесни оброци…

СОСТОЈКИ:

4 изрендани тиквици

2 јајца

5-7 лажици пченично брашно

5 лажици пченкарно брашно

2 лажици гриз

бибер

лук во гранули

сув зачин

свеж магдонос

НАЧИН НА ПОДГОТОВКА:

Тиквиците исцедете ги од вода, додајте јајца, зачинете, додајте брашно и гриз. Убаво измешајте, да се соедини. Вадете плескавици со лажица. Пржете во врело масло.

Добар апетит!

Деталите за подготовка погледнете ги во ВИДЕО РЕЦЕПТОТ на „Летина кујна“:

Извор: Готви.мк

Летна мусака: Здрав оброк за целото семејство

Ако сте на диета, оваа мусака е вистински избор за вкусен ручек…

СОСТОЈКИ:

600 гр млади компири

4-5 зелени пиперки

1 праз

1 морков

50 гр ориз

зачинска пипер

1 поголем домат

малку зачини

сол

лук во гранули

масло

Начинот на подготовка погледнете го во ВИДЕО РЕЦЕПТОТ на „Бабина кујна“:

Извор: Готви.мк

Предлог за денешен ручек

Идеално топло печиво…

СОСТОЈКИ:

600-700 гр брашно

100 мл млако млеко

100 мл млака вода

70 мл масло

1 јајце

1 лажица кристал шеќер

1 лажица сол

1 кесичка сув квасец

200 гр ситно сирење

јогурт

крем сирење

НАЧИН НА ПОДГОТОВКА:

Замесете глатко тесто, поделете го на 8 кори. Секоја кора наполнете ја со сирење. Редете во калап. Преку корите прелијте разматена жолчка, јогурт и крем сирење. Печете на 180 степени околу 30 минути.

Добар апетит!

Деталите за подготовка погледнете ги во ВИДЕО РЕЦЕПТОТ на „Летина кујна“:

Популарно