Сензација во салата Невена Ѓоргиева Дуња: Академија ФМП го победи Работнички

Академија ФМП му го нанесе првиот сезонски пораз на Работнички. Триумфираше со 87-83 во дуелот од петтото коло во домашниот кошаркарски шампионат и се погрижи да нема веќе непоразени екипи.

ФМП во третата четвртина која ја доби со 18-14 успеа да ја неутрализира предноста што во првото полувреме ја изгради Работнички, а во завршниот сегмент кој му припадна со 28-19  успеа да се избори за за првата победа во сезоната.

Даниел Начевски со 24 поени беше лидер во триумфот на ФМП, Лука Стојановски постигна 16 поени, а со 12 поени средбата ја заврши Роналд Харис. Кај Работнички, Данило Мијатовиќ имаше одлична партија со 37 поени, но не успеа да спречи пораз на неговиот тим.

Работнички останува на лидерската позиција на табелата со девет бода, колку што има и вотропласираниот МЗТ Скопје Аеродром. ФМП е претпоследен со шест бода.

Петтото коло во домашниот кошаркарски шампионат ќе биде комплетирано утре кога ќе бидат одиграни дуелите меѓу МЗТ Скопје 2 и Еуроникел и Гостивар – Кожув.

Ѕвездата на Јувентус одмара Охридско Езеро

Дејан Кулушевски- швеѓанец со македонски корени е во друштво на неговиот соиграч од младинската репрезентација на Шведска, Жоел Асоро.

Новото засилување на Јувентус, Дејан Кулушевски, одлучи дел од летниот одмор да го помине во Охрид.

Швеѓанецот со македонски корени е во друштво на неговиот соиграч од младинската репрезентација на Шведска, Жоел Асоро.

 
 
 
 
 
 
 
 
 
 
 
 
 

Really livin life..🙏

A post shared by Dejan Kulusevski (@dejan.k10) on

Роналдо го напушта Јувентус

Неофицијално Кристијано Роналдо е незадоволен во Јувентус и постои можност тој наскоро да го напушти клубот од Торино.

Весникот “Footmercato” пишува дека агентот на Роналдо, Хорхе Мендеш, веќе стапил во контакт со спортскиот директор на ПСЖ и дека на големо се работи на трансферот на Португалецот во францускиот клуб.

Во случај ПСЖ да успее да го доведе Роналдо ќе има неверојатен покер од асови на теренот- Роналдо, Нејмар, Мбапе и Икарди.

Ботас ќе тргне од пол-позицијата на патеката „Силверстоун“

Возачот на Мерцедес, Валтери Ботaс, беше најбрз на денешните квалификации возени на патеката „Силверстоун“ во чест на јубилејот 70-годишнина во Формула 1.

Второто место му припадна на неговиот тимски колега Луис Хамилтон.

Од вториот стартен ред ќе тргнат Нико Хулкенберг од Рејсинг Поинт и Макс Верстапен од Ред Бул.

Уште еден лош ден имаа пилотите на Ферари. Шарл Леклер ќе тргне од осмата позиција, а Себастијан Фетел од 12-та.

Главната трка ќе се одржи утре со почeток во 15:10 часот.

Популарно