Колку смисла имаат тестовите на антитела на коронавирус?

Русија, Италија, но и многу други земји сакаат масовно да ги тестираат граѓаните за да видат дали биле во контакт со коронавирусот. Но, дали на тој начин може да се дојде до точен заклучок?

Во Русија со недели во сила се строги мерки за забрана за напуштање на домовите, но и покрај тоа, бројот на новозаразени рапидно расте: па само во саботата беше објавено дека имало над 9.400 нови инфекции.

Сега, со масовното тестирање на граѓаните сакаат да видат дали тие создале антитела на коронавирусот со што би можеле подобро да го следат развојот на пандемијата. Италија исто така сака масовно да ги тестира граѓаните за да утврди колку навистина се заразени со Ковид-19.

Со, таканаречените серолошки тестови (ЕЛИСА) можат да откријат кој бил веќе заразен со вирусот САРС-КоВ-2. Потребна е мала количина на крв која се тестира во лабораторијат за присуство на имуноглобулини IgM и IgG создадени од човечкиот имунолошки систем за борба против вирусот. Ако тоа е случај, шемата ја менува бојата.

Кој е веќе имун?

Оваа потрага по веќе стекната имунолошка особина всушност служи за да се открие колку луѓе веќе биле заразени бидејќи многумина покажуваат само минимални или дури и никакви симптоми на болеста. Секако е добро да се знае кој всушност ја прележал болеста: тие се исто така идеални крводарители затоа што нивните антитела би им помогнале и на оние кои се лекуваат од Ковид-19.

Покрај тоа, лицата со стекнат имунитет на САРС-КоВ-2 можат да се грижат за заболените од Ковид-19, бидејќи ризикот од можноста повторно да се разболат е многу помала.

Колку се сигурни?

Точноста на ваквите тестови за корона е околу 99 отсто. Тоа звучи како многу, но во овој случај тоа не е доволно. Бидејќи тој преостанат процент значи можна само едноставна грешка на испитната сондат, но постои и можност таа личност да развила отпорност, но не кон вирусот САРС-КоВ-2, туку на некој друг вирус од семејството корона.

Оф таа математика!

Проблем е и самата статистика и примерокот што се мери. Земете ја Германија на пример: до четвртокот (26-ти мај), заразени се вкупно 182,000 луѓе – далеку под 1 процент на 83 милиони жители, дури и под толеранцијата на грешка во тестот. Од друга страна, ако сите граѓани на оваа земја беа навистина тестирани, може да има четири пати повеќе „заразени“ луѓе во таа граница на грешка отколку што имаше навистина.

Се разбира, производителите на овие тестови го подобруваат својот производ и тврдат дека нивната точност е веќе „речиси 100 отсто“. Но, целосно и апсолутно точен тест е секогаш невозможен.

Дотолку големото прашање е, што би се мерело воопшто со масовно тестирање во Русија: на крајот на мај во таа земја имало нешто повеќе од 350 илјади заразени лица, но исто така е земја со околу 150 милиони жители.

Тоа во никој случај не значи дека овие тестови не се неопходни и немаат смисла: нивната точност е сè уште доволна за грубо лоцирање на текот на пандемијата и преземање мерки за многу веројатно (со 99 отсто точност) да го спречат нејзиното ширење. Но, масовното тестирање не е метод со кој сите опасности би исчезнале преку ноќ и ќе престане потребата од разумни мерки за борба против инфекцијата.

Ким Џонг Ун прогласи „блескав успех“ на Северна Кореја со коронавирусот

Водачот на Северна Кореја, Ким Џонг Ун, го истакна „блескавиот успех“ на неговата земја во справувањето со ковид-19, пренесе државната новинска агенција КЦНА.

Ким Џонг Ун прогласи „блескав успех“ на Северна Кореја со коронавирусот

Водачот на Северна Кореја, Ким Џонг Ун, го истакна „блескавиот успех“ на неговата земја во справувањето со ковид-19, пренесе државната новинска агенција КЦНА.

Фото: ЕПА

Водачот на Северна Кореја, Ким Џонг Ун, на состанокот на Политбирото на владејачката Работничка партија рече дека Северна Кореја го спречила коронавирусот да влезе во земјата, јави државната новинска агенција КЦНА.

„Темелно го спречивме упадот на злокобниот вирус и задржавме стабилна епидемиолошка состојба и покрај глобалната здравствена криза, што претставува блескав успех“, рече Ким Џонг Ун.

Тој предупреди и ги повика луѓето од Северна Кореја да останат „исклучително претпазливи“, се вели во соопштението на КЦНА.

Состанокот на Политбирото доаѓа во време кога многу земји ги олеснуваат блокадите, и покрај тоа што светот брзо се движи кон мрачните броеви од 10 милиони потврдени, а половина милион починати од коронавирусот.

Северна Кореја повторно ги отвори училиштата, но ја задржа забраната за јавни собири и наложи носење маски на јавни места, изјави во средата претставник на Светската здравствена организација (СЗО).

Иако државата сè уште нема потврдено ниеден случај на зараза, за што експертите велат дека е малку веројатно, нејзиното Министерство за здравство објави дека досега биле тестирани 922 лица - сите негативни. Стотици луѓе, претежно оние вработени во пристаништата или на границите, редовно се ставаат во карантин.

Во текот на вчерашниот ден во светот имало 176.000 новозаразени со Ковид-19

Во текот на изминатиот ден во светот се регистрирани повеќе од 176.000 нови случаи на коронавирус, а вкупниот број заразени сега веќе надмина 10,5 милиони, соопшти Светската здравствена организација (СЗО).

Најголем број на дневни инфекции во светот беа регистрирани на 29 јуни, кога имаше 189.000.

СЗО, преку соопштение, наведува дека вчера, на 2 јуни, во светот биле потврдени нови 176.102 случаи и дека вкупниот број на заболени сега се зголемил на 10.533.779 лица.

Оттаму додаваат дека досега од Ковид-19 умреле 512.842 лица, пренесува Тасс.

Поголемиот дел од новите случаи се потврдени во Јужна и Северна Америка. Во текот на вчерашниот ден, таму се регистрирани 99.202 новозаразени лица, а умреле 3.022 лица.

Во Еврипа има 198.405 нови случаи, со што вкупно досега се зазразени 2.747.810, а вчера на Стариот континент умреле 531 лица, или вкупно досега 19.736.

Земјата со најмногу случаи на коронавирус се уште се САД, каде заразени се 2.616.949 лица, потоа следи Бразил со 1.402.041, Русија со 661.165 и Индија со 604.641 заразена. 

Прага го славеше крајот на епидемијата со голема забава

"Збогум Корона?" - Илјадници луѓе во Прага го прославија крајот на епидемијата со голема забава. Илјадници луѓе седеа на маса долга 500 метри на мостот Чарлс во Прага во вторникот за да го прослават укинувањето на мерките преземени во Чешка за спречување на епидемијата на коронавирусот.

„Ние сакаме да го прославиме крајот на кризата со  тоа што ќе им дозволиме на луѓето да се сретнат и да покажат дека не се плашат, дека не се плашат да земат парче сендвич од соседот“, рече Ондреј Кобза, организатор на настанот и сопственик на кафеана

„Општеството не треба да се плаши. Во спротивно, ќе се соочиме со економска криза, рецесија и ова ќе нè повреди многу повеќе од Ковид-19 ““, додаде тој.

Со бесплатна храна или пијалок, учесниците на оваа вечера го споделија својот оброк на овој мост од 14 век, симбол на чешката престолнина, со оркестар и песни околу масата украсена со маргаритки.

„Бев информиран за настанот преку Фејсбук и видов дека е интересен“, рече Галина Комсенко-Крецикова, Русинка која живее во Прага која отиде на вечера со својот сопруг.

Чешката Република, земја со 10,7 милиони жители, ги презеде повеќето мерки во епидемијата на коронавирус. Вкупно досега во земјата се пријавени околу 12.000 случаи и помалку од 350 смртни случаи.

Од 1 јули, на Чесите веќе нема да им се бара да носат маска на јавни места, освен болници, старечки домови, метрото во Прага и во две области на северо-истокот од земјата каде има пораст на случаи на ковид-19 во рудници за јаглен.

Исто така во Прага маската ќе биде задолжителна на собири со повеќе од 100 лица во затворен простор.

Популарно